వాట్సాప్ అప్‌డేట్: మెసేజింగ్ అప్లికేషన్‌లో భారీ మార్పు, ఈ 2 కొత్త ఫీచర్లు మీ మొబైల్‌కి రాబోతున్నాయా?
ప్రపంచ ప్రఖ్యాత మెసేజింగ్ యాప్ వాట్సాప్ భద్రతా కారణాల దృష్ట్యా గత కొన్ని నెలలుగా కొత్త ఫీచర్లను ప్రవేశపెడుతోంది. చాట్ లాక్, వాయిస్ స్టేటస్ తర్వాత ఇప్పుడు వాట్సాప్ మరో రెండు కొత్త ఫీచర్లను తీసుకొస్తుంది.
న్యూఢిల్లీ (మే 30): ఆన్‌లైన్ మోసాలు పెరుగుతున్న తరుణంలో ప్రపంచంలోనే ప్రముఖ మెసేజింగ్ యాప్ వాట్సాప్ సరికొత్త ఫీచర్లను అందుబాటులోకి తెస్తోంది. త్వరలో వాట్సాప్‌లో మరో రెండు కొత్త ఫీచర్లు రానుంది. ఇప్పుడు మీరు వాట్సాప్‌లో ఫోన్ నంబర్‌ను హైడ్ చేయవచ్చు. మీ యూజర్ పేరును ఫోన్ నంబర్‌కు బదులుగా చూపిస్తుంది. మెసేజింగ్ యాప్ ఇటీవల చాట్‌లను లాక్ చేయడం, పంపిన మెసేజ్ ఎడిట్ చేయడం, మల్టి డివైజెస్ లో ఒకే WhatsApp అకౌంట్ ఉపయోగించడం వంటితో సహా మూడు కొత్త ఫీచర్లను తీసుకొచ్చింది. ఇప్పుడు వాట్సాప్ మరో రెండు కొత్త ఫీచర్లను తీసుకురానుంది...
ఫోన్ నంబర్ ఇప్పుడు దాచవచ్చు:WabetaInfo షేర్ చేసిన స్క్రీన్‌షాట్‌ల ప్రకారం, WhatsApp మరో కొత్త ఫీచర్‌ను తీసుకొస్తుంది. మీ WhatsApp అకౌంట్ కు యూజర్ పేరును జోడించే ఫీచర్‌ను ప్రజలకు అందించడానికి సిద్ధంగా ఉంది. మీరు ఒకరి నుండి వాట్సాప్ మెసేజ్ పొందినపుడు నంబర్ ఇవ్వాల్సిన అవసరం లేదు. అలాగే, మీ ఫోన్ నంబర్‌ను దాచుకునే అవకాశం కూడా ఉంటుంది. ఈ ఫీచర్‌ను ప్రవేశపెట్టడంతో, WhatsApp వినియోగదారులు ఫోన్ నంబర్‌ను బహిర్గతం చేయకుండా యాప్‌లో యూజర్ పేరును ఎంటర్ చేయడం ద్వారా ఇతర వ్యక్తులను కాంటాక్ట్ కావడానికి ఉపయోగపడుతుంది.
దీనితో, వినియోగదారులు వారి అకౌంట్ కు అదనపు భద్రతను జోడించగలరు. ఈ ఫీచర్‌కి వాట్సాప్ సెట్టింగ్‌లు > ప్రొఫైల్‌లో ప్రత్యేక విభాగం ఉంటుంది. ప్రస్తుతం, WhatsApp యూజర్ పేరును జోడించే కొత్త ఫీచర్ అభివృద్ధిలో ఉంది, ఫ్యూచర్ అప్ డేట్ లో బీటా వెర్షన్‌లో విడుదల చేయబడుతుంది. ప్రతిదీ సజావుగా జరిగితే యాప్ అన్ని వెర్షన్‌లకు విడుదలయ్యే అవకాశం ఉంది.
షేర్ స్క్రీన్ ఫీచర్:వాట్సాప్ ఇప్పుడు వీడియో కాల్ సమయంలో మీ స్క్రీన్‌ను షేర్ చేసుకునే ఫీచర్‌ను అందిస్తుంది. లక్షలాది మంది వాట్సాప్‌ను మెసేజింగ్ అండ్ కాలింగ్ కోసం ఉపయోగిస్తున్నారు. వీడియో కాల్‌లో స్క్రీన్ షేరింగ్ తర్వాత, Google Meet అవసరం తగ్గే అవకాశం ఉంది. ప్రస్తుతం వాట్సాప్‌లో మీరు 32 మందితో ఏకకాలంలో వీడియో కాల్ చేయవచ్చు. ఇది ప్రస్తుతం ఆండ్రాయిడ్ బీటా టెస్టర్‌లకు అందుబాటులో ఉంది, త్వరలో అందరికి అందుబాటులోకి వచ్చే అవకాశం ఉంది.
వాట్సాప్ చాట్‌లాక్ ఫీచర్‌ను అందరికీ అందుబాటులోకి తెచ్చింది. యూజర్లు పర్సనల్ చాట్‌లకు లాక్‌ని జోడించవచ్చు, తద్వారా మీరు మీ ఫోన్‌ని వేరొకరికి ఇచ్చినా, వారు చాట్‌లను చూడలేరు. అలాగే, మీ మొబైల్ వేరొకరి చేతిలో ఉన్నప్పుడు, చాట్‌లాక్ చేయబడిన వ్యక్తి మెసేజెస్ నోటిఫికేషన్‌లో కూడా కనిపించవు.
. మీరు పంపిన మెసేజ్ 15 నిమిషాల్లో మీకు కావలసినన్ని సార్లు ఎడిట్ చేయవచ్చు. కాబట్టి మెసేజ్‌లలో తప్పులున్నప్పటికీ మొత్తం మెసేజ్‌ని డిలీట్ చేయాల్సిన అవసరం లేదు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
