అయోధ్యకు ఫ్లైట్‌లో వృద్ద మహిళ: పైలెట్ కు నమస్కరించి... వీడియో వైరల్
విమానంలో ప్రయాణీస్తున్న ఓ వృద్ద మహిళ పైలెట్ మధ్య చోటు చేసుకున్న ఘటన సోషల్ మీడియాలో చోటు చేసుకుంది. అయోధ్యకు వెళ్లే విమానంలో ఈ ఘటన జరిగింది.
న్యూఢిల్లీ:అయోధ్యకు వెళ్లే విమానంలో చోటు చేసుకున్న ఘటన సోషల్ మీడియాలో వైరల్ గా మారింది. అయోధ్యకు వెళ్లే విమానంలోకి ప్రవేశించిన మహిళ పైలెట్ కు నమస్కరించింది. పైలెట్ ను ఆ మహిళ లక్ష్మిదేవిగా అభివర్ణించింది.పైలెట్ ఆ మహిళను ఆప్యాయంగా కౌగిలించుకుంది. ఇందుకు సంబంధించిన వీడియో సోషల్ మీడియాలో వైరల్ గా మారింది.
ఇన్‌స్టాగ్రామ్ లో టీనా గోస్వామి ఈ వీడియోను అప్ లోడ్ చేశారు. వృద్ద మహిళ పైలట్ కు నమస్కరించడంతో వీడియో ప్రారంభం కానుంది.భారతీయ సంస్కృతిలో కుమార్తెలను ఎలా గౌరవిస్తారో ఈ వీడియో చూపుతుందని ఓ నెటిజన్ వ్యాఖ్యానించారు.మహిళలను శక్తి స్వరూపిణి లక్ష్మితో పోల్చారని ఆ నెటిజన్ పేర్కొన్నారు.భారతీయ వారసత్వం, సంప్రదాయాలను ఈ వీడియో చూపుతుందని మరొకరు వ్యాఖ్యానించారు.
రెండు రోజుల క్రితం ఈ వీడియో ఇన్‌స్టాగ్రామ్ లో పోస్టు చేశారు. ఈ వీడియో మూడు మిలియన్లకు పైగా మంది వీక్షించారు. ఈ వీడియోను పలువురు షేర్ చేశారు. మరికొందరు ఈ వీడియోను లైక్ చేశారు. ఈ వీడియో హృదయానికి హత్తుకొనే విధంగా ఉందని నెటిజన్ ఒకరు వ్యాఖ్యానించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
