వాస్తు ప్రకారం.. ఇంట్లో ఉసిరి చెట్టును ఏ దిశలో నాటితే మంచిది?

హిందూమతంలో.. ఎన్నో చెట్లును, మొక్కలను పవిత్రంగా భావిస్తారు. పూజలు చేస్తారు. ఇలాంటి వాటిలో ఉసిరి చెట్టు ఒకటి. ఉసిరిచెట్టు మతపరమైన ప్రాముఖ్యతను కలిగి ఉంది. అందుకే ఉసిరి చెట్టును ఇంట్లో ఏ దిశలో నాటడం ప్రయోజనకరంగా ఉంటుందో ఇప్పుడు తెలుసుకుందాం.. 

ఉసిరి చెట్టు మతపరమైన ప్రాముఖ్యత

ఉసిరి చెట్టును విష్ణుమూర్తి స్వరూపంగా భావిస్తారు. అందకే ఈ చెట్టును, దీని కాయను విష్ణువుకు ఇష్టమైనదిగా భావిస్తారు. కార్తీక మాసంలో శుక్ల పక్షం తొమ్మిదవ రోజును ఉసిరి నవమి అని కూడా అంటారు. ఈ రోజు విష్ణుమూర్తిని, లక్ష్మీదేవిని, ఉసిరి చెట్టును ఖచ్చితంగా పూజిస్తారు.
 

అంతేకాదు ఈ రోజు మీరు ఉసిరి చెట్టు నీడలో కూర్చుని అన్నం తింటే మీకున్న ఎన్నో రోగాల నుంచి ఉపశమనం లభిస్తుందని నమ్ముతారు. అలాగే వ్యక్తులు చేసిన పాపాలన్నీ కూడా నశిస్తాయని నమ్ముతారు. 
 

ఏ దిశలో చెట్టు నాటాలి? 

వాస్తు ప్రకారం.. ఇంటికి ఉత్తరం లేదా తూర్పు దిశలో ఉసిరి చెట్టును నాటాలి. ఈ దిశలో ఉన్న ఉసిరి చెట్టును చాలా పవిత్రంగా భావిస్తారు. అలాగే ఇది ఇంటికి మంచిది కూడా. హిందూ విశ్వాసాల ప్రకారం.. ఉసిరి చెట్టును క్రమం తప్పకుండా పూజించడం వల్ల ఇంట్లో దేవతలు, దేవుళ్లు ఉంటారు.
 

ఈ ప్రయోజనాలను పొందుతారు

వాస్తు శాస్త్రంలో.. ఉసిరి చెట్టును చాలా పవిత్రంగా భావిస్తారు. ఇంట్లో ఉసిరి చెట్టును నాటడం, క్రమం తప్పకుండా ఆ చెట్టుకు నీరు పోయడం వల్ల మీ కుటుంబంలో సంతోషం, శ్రేయస్సు ఉంటాయి. అలాగే ఇంట్లోని నెగిటీవ్ ఎనర్జీ కూడా తొలగిపోతుంది. దీని వల్ల మీ కుటుంబంలో సంపద మార్గం వస్తుంది.