మామిడి పండు తినే ముందు ఇలా చేస్తున్నారా లేదా..?

ఎండాకాలంలో మనకు హాయిగా అనిపించే విషయం ఏదైనా ఉంది అంటే అది మామిడి పండే. బయటకు వెళ్తే.. మార్కెట్లో నోరూరించే మామిడి పండ్లు కనపడుతూనే ఉన్నాయి. వాటిని చూడగానే ఎప్పుడెప్పుడు కొందామా.. ఎప్పుడెప్పుడు.. వాటిని ఇంటికి తెచ్చుకొని తిందామా అన్నట్లుగానే ఉంటుంది. కానీ..  మామిడి పండును వెంటనే తినేయూకడదు. తినే ముందు కాయను కడగాలి అనే విషయం మాకు తెలుసు అని అనుకుంటున్నారా..? జస్ట్ కడగడమే కాదు.. కనీసం 30 నిమిషాల నుంచి గంట వరకు వాటిని నీటిలో నానపెట్టాలి. ఆ తర్వాత వాటిని తినాలి. 

అసలు మామిడి పండ్లను నీటిలో ఎందుకు నానపెట్టాలో మీకు తెలుసా? అలా నానపెట్టి తర్వాత తింటే ఏమౌతుంది..? అలా కాకుండా జస్ట్ కడిగేసి తింటే ఏమౌతుంది అనే విషయాలు ఇప్పుడు తెలుసుకుందాం..
 

మామిడి పండు ఆరోగ్యానికి చాలా మేలు చేస్తుంది.  మామిడి పండ్లలో  చాలా న్యూట్రియంట్స్ పుష్కలంగా ఉంటాయి.  విటమిన్స్ ఏ, సీ మరింత ఎక్కువ మొత్తంల ఉంటాయి. ఈ రెండు విటమిన్లు..రోగనిరోధక శక్తిని బలపరచడానికి, కంటి చూపు కోసం.. చర్మం అందంగా కనిపించేలా  చేయడంలో కీలక పాత్ర పోషిస్తాయి. అంతేకాదు.. మామిడిలో మంచి ఫైబర్ ఉంటుంది.  ఇది తీసుకున్న ఆహారం మంచిగా అరిగేలా చేయడంలో.. బరువు పెరగకుండా చూడటంలో సహాయం చేస్తుంది.  మామిడిలో యాంటీ ఆక్సిడెంట్స్, బీటా కెరీటిన్, ఫ్లేవనాయిడ్స్ కూడా ఉంటాయి. ఇవన్నీ  గుండె సంబంధిత సమస్యలు, క్యాన్సర్ లాంటి ప్రమాదాలు మన దరి చేరకుండా చేస్తాయి. అంతేనా పొటాషియం, మాంగనీస్్, విటమిన్ కే వంటివి గుండె ఆరోగ్యాన్ని కాపాడటంలో.. ఎముకలు బలంగా  చేయడంలో సహాయపడతాయి.

ఇన్ని ఉపయోగాలు ఉన్న మామిడి పండును ఎలా తినాలో కూడా మనకు తెలిసి ఉండాలి. మనకు మామిడి పండు తినాలనే ఆత్రం ఎంత ఉన్నా.. వాటిని కనీసం గంట పాటు నీటిలో నాననిచ్చి మాత్రమే తినాలి. ఎందుకంటే.. మామిడి పండులో పైతిక్ యాసిడ్ ఉంటుంది. అది మామిడి పండులో ఉండే ప్రయోజనాలు మనకు అందకుండా చేస్తుంది. ప్రయోజనాలు అందకుండా చేయడంతో పాటు..  జీర్ణ సమస్యలు, అజీర్తి, తలనొప్పి వంటి సమస్యలను కూడా తీసుకువస్తుంది. అదే కాసేపు నీటిలో నానపెట్టి.. తర్వాత తినడం వల్ల.. ఈ సమస్యలు రాకుండా ఉంటాయి.
 

అంతేకాదు.. మనం మాములుగా నీటిలో పండును కడిగినప్పుడు దానిపై పేర్కొన్న దుమ్ము, దూళి పూర్తిగా పోయి ఉండకపోవచ్చు. అదే... నీటిలో నానపెట్టడం వల్ల.. వాటిని పూర్తిగా తొలగించవచ్చు. అంతేకాకుండా.. పురుగు మందులు లాంటివి కొట్టినా.. అవి కూడా పైనే ఉండిపోతాయి. నీటిలో నానపెట్టడం వల్ల... వాటిని తొలగించిన వాళ్ల అవుతాం.

ఒక్కోసారి మామిడి పండ్లను నీటిలో ఎక్కువ సేపు నానపెట్టడం వల్ల.... పండ్లపై స్కిన్ స్మూత్ గా తయారౌతుంది. పీల్ తొందరగా తీయడానికి కుదురుతుంది. అంతేకాకుండా.. నానపెట్టిన తర్వాత మామిడి పండు తినడం వల్ల అజీర్తి సమస్యలు రావు.. ఎక్కువ వేడి చేయడం చర్మంపై పొక్కులు రావడం లాంటి సమస్య ఉండదు. పండులోని అన్ని పోషకాలు మీకు సులభంగా అందుతాయి.