నేను కష్టాల్లో ఉన్నప్పుడు అన్నం పెట్టింది అతనొక్కడే.. భావోద్వేగానికి గురైన హైపర్ ఆది

బుల్లితెరపై కామెడీ షోలు కొత్త పుంతలు తొక్కుతున్నాయి. జబర్దస్త్ వచ్చిన తర్వాత అనేక కామెడీ షోలు పుట్టుకొచ్చాయి. జబర్దస్త్ కమెడియన్లు చేస్తున్న కామెడీ కడుపుబ్బా నవ్విస్తోంది. అదే సమయంలో విమర్శలు కూడా ఎదురవుతున్నాయి. వల్గారిటీ, డబుల్ మీనింగ్ కామెంట్స్, బాడీ షేమింగ్ ఎక్కువవుతోందనే విమర్శలు తరచుగా వింటూనే ఉన్నాం. 

జబర్దస్త్ తో పాటు శ్రీదేవి డ్రామా కంపెనీ లాంటి షోలలో కూడా ఇదే తరహా కామెడీ ఉంటోంది. అయినప్పటికీ ఆదరణ తగ్గడం లేదు. హైపర్ ఆది, బుల్లెట్ భాస్కట్, ఆటో రాంప్రసాద్ లాంటి వారు శ్రీదేవి డ్రామా కంపెనీలో సైతం నవ్వులు పూయిస్తున్నారు. తాజాగా శ్రీదేవి డ్రామా కంపెనీ ప్రోమో విడుదలయ్యింది. 

పొట్టి నరేష్, హైపర్ ఆది కలసి చేసిన స్కిట్ కడుపుబ్బా నవ్విస్తోంది. నేను ఒక అమ్మాయిని ప్రేమించాను.. అమ్మాయిది ఫ్యాక్షనిస్ట్ ఫ్యామిలీ అని పొట్టి నరేష్ హైపర్ ఆదికి చెబుతాడు. రేయ్ నాకు భయం వేస్తోంది రా.. వాళ్ళ చేతుల్లో కత్తులు గొడ్డళ్లు ఉన్నాయి అని పొట్టి నరేష్ అంటాడు. రేయ్ ఊరుకోరా నీకేముంది నరికేయడానికి అని హైపర్ ఆది అనడం.. దానికి నరేష్ ఇచ్చిన రియాక్షన్ నవ్వులు పోయించాయి. 

ఆ తర్వాత పాండురంగడు చిత్రంలోని మాతృదేవో భవ సాంగ్ జబర్దస్త్ రాము చేసిన పెర్ఫామెన్స్ ప్రతి ఒక్కరి చేత కంటతడి పెట్టించింది. అక్కడున్న వారంతా రాము పెర్ఫామెన్స్ కి ఎమోషనల్ అయ్యారు. రాము యాక్టింగ్ ని అంతా మెచ్చుకున్నారు. 

హైపర్ ఆది అయితే రాముతో తనకి ఉన్న అనుబంధాన్ని గుర్తు చేసుకున్నాడు. జబర్దస్త్ లో తాను రాణించడం వెనుక ఉన్న వారిలో అదిరే అభితో పాటు.. రాము పాత్ర కూడా ఉంది. నన్ను అవసరంలో ఆదుకున్నది అదిరే అభి అన్న. కానీ నేను కష్టాల్లో ఉన్నప్పుడు నాకు అన్నం పెట్టి ఆకలి తీర్చినవాడు రాము అన్న అంటూ హైపర్ ఆది గుర్తు చేసుకున్నాడు. 

హైపర్ ఆది పైకి లేచి మరీ రాముతో ఉన్న అనుబంధాన్ని గుర్తు చేసుకోవడం అక్కడున్న వారందరిని కదిలించింది. వీటితో పాటు శ్రీదేవి డ్రామా కంపెనీ షోలో డాన్స్ పెర్ఫామెన్స్ కూడా ఆకట్టుకుంది.