'బిగ్ బాస్ 3'లోకి శ్రీముఖి.. 'పటాస్' నుండి అందుకే ఔటా..?
తెలుగులో బిగ్ బాస్ రెండు సీజన్ లను పూర్తి చేసుకొని మూడో సీజన్ కి సిద్ధమవుతుంది.
తెలుగులో బిగ్ బాస్ రెండు సీజన్ లను పూర్తి చేసుకొని మూడో సీజన్ కి సిద్ధమవుతుంది. జూలై నెల రెండో వారం నుండి ఈ షో ప్రారంభం కానుంది. హోస్ట్ గా నాగార్జునని ఫైనల్ చేసినట్లు సమాచారం. దీనిపై త్వరలోనే అధికార ప్రకటన రానుంది.
ఈ షోలో పాల్గొనబోయే 17 మంది కంటెస్టంట్ లు ఎవరనే దానిపై ఆసక్తి నెలకొంది. సీజన్ 1 లో పాల్గొన్న పోటీదారులతో పోలిస్తే సీజన్ 2లో పాల్గొన్న కంటెస్టంట్స్ కాస్త వీక్ అనే చెప్పారు. ఆ ఇంపాక్ట్ షో రేటింగ్స్ పై కూడా పడింది. సీజన్ 3 విషయంలో అలాంటి రిస్క్ తీసుకోవడానికి సిద్ధంగా లేరు.
అందుకే ఫేమస్ సెలబ్రిటీలను బిగ్ బాస్ 3 షోకి తీసుకురాబోతున్నారట. దీనిలో భాగంగా పాపులర్ యాంకర్ శ్రీముఖి బిగ్ బాస్ 3 కంటెస్టంట్ గా ఖాయమైనట్లు ప్రచారం జరుగుతోంది. అయితే శ్రీముఖి ఇటీవల పటాస్ షో నుండి బయటకి రావడంతో ఈ ప్రచారానికి మరింత బలం చేకూరుంది.
'పటాస్' షోకి బ్రేక్ ఇస్తున్నానని ఓ వీడియో రిలీజ్ చేసింది శ్రీముఖి. దానికి కారణం మాత్రం చెప్పలేదు. కొన్నాళ్లపాటు 'పటాస్'కి బ్రేక్ ఇచ్చింది బిగ్ బాస్ షో కోసమే అంటూ వార్తలు ఊపందుకున్నాయి. అదే నిజమైతే ఈ రాములమ్మ బిగ్ బాస్ షోలో ఎంత హడావిడి చేస్తుందో చూడాలి!