భారతీయుడు2 నుంచి దిల్ రాజు ఎందుకు తప్పుకున్నాడు
- కమమల్, శంకర్ ల కాంబినేషన్ లో వచ్చిన భారతీయుడు
- 1996లో రిలీజై భారీ సక్సెస్ సాధించిన భారతీయుడు
- భారతీయుడు సీక్వెల్ సినిమాను నిర్మిస్తున్నట్లు ప్రకటించిన దిల్ రాజు
- తాజాగా దిల్ రాజు భారతీయుడు 2 నుంచి తప్పుకున్నట్లు వార్తలు
నిర్మాత దిల్ రాజు అంటేనే తెలుగు సినిమా పరిశ్రమలో సక్సెస్ కు కేరాఫ్ అడ్రస్. మిడిల్ నుంచి హై రేంజ్ బడ్జట్ సినిమాలు తెరకెక్కించి భారీ సక్సెస్ లు మూటగట్టుతోవడం ఆయనకు వెన్నతో పెట్టిన విద్య. దీంతో ఇటీవలే ఓ భారీ ప్రాజెక్టులో దిల్ రాజు భాగస్వామి అయ్యాడు. అదే విలక్షణ నటుడు కమల్ హాసన్, శంకర్ ల కాంబినేషన్ లో ప్లాన్ చేసిన భారతీయుడు2. 1996లో వచ్చిన భారతీయుడు సినిమాకు సీక్వెల్ గా రూపొందించనున్న ఈ చిత్రాన్ని దిల్ రాజు నిర్మిస్తున్నారని పబ్లిగ్గా ప్రకటించేశారు.
సక్సెస్ ల రికార్డులు సాధించిన దిల్ రాజు 180 కోట్ల బడ్జెట్ తో భారతీయుడు2 ప్రాజెక్ట్ చేయటానికి పూనుకున్నాడు అనగానే తెలుగు పరిశ్రమలో అంతా వారెవా అనుకున్నారు. గతంలో దీనిపై ఎన్నో ప్రయత్నాలు జరిగాయి కాని అది కుదరలేదు. ఫైనల్ గా భారతీయుడు-2కు రంగం సిద్ధమైంది. దిల్ రాజు ఆ సినిమా నిర్మిస్తున్నారని అఫిషియల్ గా చెప్పేశారు.
‘భారతీయుడు' అప్పట్లో ఘన విజయాన్ని సాధించింది. కమల్ హాసన్‌కు ఎన్నో అవార్డులు తెచ్చి పెట్టింది. ఉత్తమ నటుడు విభాగంలో జాతీయ పురస్కారాన్ని సైతం అందుకున్నారు. అయితే చాలా కాలంగా ఈ సినిమాకు సీక్వెల్‌ను తెరకెక్కించనున్నారని వార్తలు వస్తున్నాయి. భారతీయుడు చిత్రాన్ని నిర్మించిన ఏఎమ్ రత్నం కూడా గతంలో ఈ సినిమాకు సీక్వెల్ ఉంటుందని వెల్లడించారు. అయితే చాలాకాలం గడిచిపోయింది. ఇక ఆ రెండో పార్ట్ సంగతే అంతా మర్చిపోయాక మళ్ళీ ఆ ప్రాజెక్ట్ ని తెరమీదకి తెచ్చే ప్రయత్నాలని మొదలు పెట్టారు. అందులో భాగంగానే దిల్ రాజు ఈ ప్రాజెక్ట్ నిర్మాతగా మారాడు..
అయితే సడెన్ గా ఏమయ్యిందో ఏమో గానీ అయితే తాజాగా ఆ సినిమా నుంచి దిల్ రాజు త‌ప్పుకున్న‌ట్టు వార్తలు వస్తున్నాయి. శంకర్, క‌మ‌ల్‌హాస‌న్ కాంబినేష‌న్‌లో భారీ బ‌డ్జెట్‌తో ఇప్ప‌ట్లో సినిమా తీయ‌డం మంచి ఆలోచ‌న కాద‌ని భావించ‌డం వ‌ల్లే ఆ సినిమా నుంచి దిల్ రాజు త‌ప్పుకున్నార‌ట.
శంకర్ దర్శకత్వంలో ప్ర‌స్తుతం `రోబో 2.0` తెరకెక్కుతోంది. ఈ మూవీని లైకా ప్రొడ‌క్ష‌న్స్ సంస్థ నిర్మిస్తోంది. దిల్ రాజు త‌ప్పుకోవ‌డంతో `భారతీయుడు-2`ను కూడా ఆ సంస్థే టేకప్ చేస్తుందని తాజా స‌మాచారం. అయితే అధికారికంగా ఎలాంటి ప్రకటన రాలేదు. దీనిపై దిల్ రాజు స్పందిస్తేగానీ అసలు కారణాలేమిటన్నది తెలిసే అవకాశం లేదు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
