రింగు రోడ్డు లేదు బొంగురోడ్డు లేదు.. రాజకీయ కక్షతోనే చంద్రబాబు అరెస్టు.. : టీడీపీ
Vijayawada: ఆంధ్రప్రదేశ్ రాష్ట్ర నైపుణ్యాభివృద్ధి సంస్థ (ఏపీఎస్ఎస్డీసీ)కి సంబంధించిన వాస్తవాలతో కూడిన పుస్తకాన్ని టీడీపీ విడుదల చేసింది. యువతకు నైపుణ్య శిక్షణ ఇచ్చి సాధికారత కోసం కృషి చేసిన తెలుగుదేశం పార్టీ (టీడీపీ) అధినేత, మాజీ ముఖ్యమంత్రి నారా చంద్రబాబు నాయుడిపై రాజకీయ కక్షతోనే వైఎస్ జగన్ మోహ‌న్ రెడ్డి ప్రభుత్వం అసత్య ప్రచారం చేస్తోందని ఆ పార్టీ ఆరోపించింది.
Telugu Desam AP president K. Atchannaidu: ఆంధ్రప్రదేశ్ రాష్ట్ర నైపుణ్యాభివృద్ధి సంస్థ (ఏపీఎస్ఎస్డీసీ)కి సంబంధించిన వాస్తవాలతో కూడిన పుస్తకాన్ని టీడీపీ విడుదల చేసింది. యువతకు నైపుణ్య శిక్షణ ఇచ్చి సాధికారత కోసం కృషి చేసిన తెలుగుదేశం పార్టీ (టీడీపీ) అధినేత, మాజీ ముఖ్యమంత్రి నారా చంద్రబాబు నాయుడిపై రాజకీయ కక్షతోనే వైఎస్ జగన్ మోహ‌న్ రెడ్డి ప్రభుత్వం అసత్య ప్రచారం చేస్తోందని ఆ పార్టీ ఆరోపించింది.
వివ‌రాల్లోకెళ్తే.. ఏపీ స్కిల్ డెవలప్‌మెంట్‌ ప్రాజెక్ట్, ఫైబర్‌నెట్‌ ప్రాజెక్టు, అమరావతి ఇన్నర్ రింగ్ రోడ్ అనే మూడు ప్రధాన అంశాలపై ఫ్యాక్ట్ బుక్లెట్లను విడుదల చేసింది. టీడీపీ ఏపీ అధ్యక్షుడు కే.అచ్చెన్నాయుడు ఇన్నర్ రింగ్ రోడ్డు ప్రాజెక్టు - వాస్తవాలు పేరిట పార్టీ కేంద్ర కార్యాలయం ఎన్టీఆర్ భవన్లో ఈ పుస్తకాన్ని విడుదల చేశారు. రాష్ట్ర ప్రజలకు వాస్తవాలను తెలియజేయడమే లక్ష్యంగా ఈ బుక్ లెట్లను రూపొందించామ‌ని తెలిపారు.
ఏపీ స్కిల్ డెవలప్ మెంట్ ప్రాజెక్టు బుక్ లెట్ ను అచ్చెన్నాయుడు ఆవిష్కరించారు. అనంతరం ఆయన మాట్లాడుతూ మూడు ప్రధాన అంశాల్లో టీడీపీ ప్రమేయం ఉందని వైసీపీ ప్రభుత్వం తప్పుడు ప్రచారం చేస్తోందని ఆరోపించారు. ఈ విషయాల్లో నిజానిజాలు బయటపెట్టాలని పార్టీ కోరుకుంటోందని ఆయన అన్నారు. తప్పుడు ఆరోపణలతో రాజమండ్రి కేంద్ర కారాగారంలో మాజీ సీఎం చంద్రబాబునాయుడును వైసీపీ ప్రభుత్వం 28 రోజుల పాటు నిర్బంధించిందని అచ్చెన్నాయుడు విమర్శించారు. వైసీపీ ప్రభుత్వం అధికారంలోకి వచ్చిన తర్వాత చంద్రబాబు, లోకేష్, ఇతర పార్టీ నేతలపై తప్పుడు ఆరోపణలు చేస్తోందని ఆరోపించారు. వైసీపీ నాయ‌క‌త్వాన్ని రానున్న ఎన్నిక‌ల్లో ప్ర‌జ‌లు త‌గిన గుణ‌పాఠం చెబుతార‌ని అన్నారు.
అలాగే, తొలుత ఏపీఎస్ఎస్డీసీలో రూ.3,300 కోట్ల కుంభకోణం జరిగిందని చెప్పిన క్రైమ్ ఇన్వెస్టిగేషన్ విభాగం ఆ తర్వాత దాన్ని రూ.300 కోట్లకు మార్చిందని, ఇప్పుడు డొల్ల కంపెనీల నుంచి రూ.27 కోట్లు టీడీపీ బ్యాంకు ఖాతాల్లోకి బదిలీ అయ్యాయని పేర్కొందని ఆరోపించారు. తెలుగుదేశంతో పోలిస్తే 50 శాతం క్యాడర్ కూడా లేని అధికార వైసీపీ జాతీయ స్థాయిలో విరాళాల సేకరణలో నంబర్ 5గా, ప్రాంతీయ స్థాయిలో అగ్రస్థానంలో ఎలా నిలుస్తుందని టీడీపీ అధికార ప్రతినిధి కొమ్మారెడ్డి పట్టాభిరామ్, పొలిట్ బ్యూరో సభ్యుడు నిమ్మల రామానాయుడు అన్నారు. దీనిపై ముఖ్యమంత్రి వైఎస్ జగన్ మోహ‌న్ రెడ్డి స్పందించాలని డిమాండ్ చేశారు.
ఇప్పుడు వైసీపీకి నిధులు ఇస్తున్న కంపెనీలకు మాత్రమే ప్రాజెక్టు కాంట్రాక్టులు, ఇతర ప్రయోజనాలు లభిస్తున్నాయి. ఇది క్విడ్ ప్రోకో కాదా? ప్రజాధనాన్ని దోచుకున్న వారికి టీడీపీ ఏనాడూ మద్దతివ్వలేదన్నారు. ఆధారాల్లేకుండా స్కిల్ డెవలప్‌మెంట్‌ ప్రాజెక్ట్ కేసు, సంబంధం లేకున్నా ఫైబర్ నెట్, ఇన్నర్ రింగ్ రోడ్ అంశాల్లోనూ కేసులు పెట్టారని ఆరోపించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
