ఘటోత్కచుడు చనిపోతే కృష్ణుడు సంతోషించాడా? కారణం ఇదే

మహాభారతంలో కర్ణుడు ఘటోత్కచుడిని చంపేశాడు. ఆ సమయంలో కృష్ణుడు చాలా సంతోషించాడట. అలా సంతోషానికి వెనక కారణాన్ని కృష్ణుడు భీముడికి కూడా చెప్పాడట. 

 

మహాభారతం ప్రకారం, యుద్ధ సమయంలో ఘటోత్కచుడు తన మాయా శక్తులతో కౌరవ సైన్యాన్ని అల్లకల్లోలం చేశాడు. దుర్యోధనుడుతో సహా చాలా మంది యోధులను ఘటోత్కచుడు తన శక్తులతో ఓడించాడు.

ఘటోత్కచుడితో యుద్ధం చేయడానికి దుర్యోధనుడు కర్ణుడిని కోరాడు. కర్ణుడు, ఘటోత్కచుడి మధ్య భీకర యుద్ధం జరిగింది, కానీ ఘటోత్కచుడి మాయా శక్తుల ముందు కర్ణుడు ఏమీ చేయలేకపోయాడు.

అప్పుడు కర్ణుడు అర్జునుడి కోసం దాచుకున్న దివ్యాస్త్రాన్ని ప్రయోగించాలని నిర్ణయించుకున్నాడు. ఆ దివ్యాస్త్ర దాడి నుండి ఘటోత్కచుడు తప్పించుకోలేకపోయాడు, చనిపోయాడు.

ఘటోత్కచుడు చనిపోవడంతో శ్రీకృష్ణుడు చాలా సంతోషించి నవ్వడం ప్రారంభించాడు. ఘటోత్కచుడి మరణానికి శ్రీకృష్ణుడు సంతోషిస్తున్నాడని, నవ్వుతున్నాడని భీముడు చూసి కారణం అడిగాడు.

  ‘ధర్మంగా జీవించేవారిని, సాధువులను, ఘటోత్కచుడు అనే రాక్షసుడు పీడించేవాడు. కాబట్టి ఈ రోజు అతను చనిపోకపోతే, తరువాత నేనే అతన్ని చంపాల్సి వచ్చేది.’ అని కృష్ణుడు చెప్పాడు

 ‘అర్జునుడికి ఏ దివ్యాస్త్రం నుండి ప్రమాదం ఉందో, దాన్ని కర్ణుడు ఘటోత్కచుడిపై ప్రయోగించాడు, ఇప్పుడు అర్జునుడి ప్రాణాలకు  ప్రమాదం లేదు. అందుకే నేను సంతోషంగా ఉన్నాను.’ అన్నాడు కృష్ణ