రాత్రి మంచిగా నిద్రపట్టాలంటే ఈ టిప్స్ ఫాలో అయితే చాలు!

ప్రతిరోజూ ఒకే సమయానికి నిద్రపోవడం, నిద్ర లేవడం చాలా మంచి అలవాటు. దీనివల్ల మీ బాడీ క్లాక్ సరిగ్గా సెట్ అవుతుంది.

నిద్రపోవడానికి గంట ముందు ఫోన్, టీవీ, కంప్యూటర్ వంటివి చూడటం ఆపేయాలి. వాటి నుంచి వచ్చే బ్లూ లైట్ మీ నిద్రకు ఆటంకం కలిగిస్తుంది.

రాత్రిపూట ఆలస్యంగా, ఎక్కువగా తినడం మానేయాలి. ముఖ్యంగా పడుకోవడానికి ముందు కాఫీ, టీ వంటివి అస్సలు తాగకూడదు.

మీరు పడుకునే గదిలో వీలైనంత చీకటిగా లేదా మసక వెలుతురు ఉండేలా చూసుకోవాలి. గది ఉష్ణోగ్రత కూడా సౌకర్యవంతంగా ఉండాలి.

రోజూ కనీసం 30 నిమిషాల పాటు వ్యాయామం, యోగా వంటివి చేస్తే రాత్రిళ్లు నిద్ర మంచిగా  పడుతుంది. కానీ, పడుకోవడానికి కొద్దిసేపటి ముందు వ్యాయామం చేయడం మంచిది కాదు.

గోరువెచ్చని నీటితో స్నానం చేయడం, రాత్రి పడుకునే ముందు ఒక గ్లాసు గోరువెచ్చని పాలు తాగడం వల్ల హాయిగా నిద్రపడుతుంది.