పుదీన మొక్కను ఇంట్లోనే ఈజీగా ఇలా పెంచుకోవచ్చు!

పుదీన వంటలకు మంచి వాసనతో పాటు రుచినీ కూడా ఇస్తుంది. పుదీనాను ఇంట్లో ఈజీగా పెంచుకోవచ్చు. అదెలాగో చూద్దాం.

పుదీనాను.. చిన్న కొమ్మతో పెద్ద తోటలా పెంచవచ్చు. ముందుగా కుండీలో సారవంతమైన మట్టిని తీసుకొని.. దాన్ని నీటితో తడిపి అందులో పుదీన కొమ్మను నాటాలి. 

ఇసుక, కొబ్బరి పొట్టు, పశువుల ఎరువు కలిపి నీటితో తడిపి ఆ మిశ్రమంలో నాటితే ఇంకా మంచిగా పెరుగుతుంది.

ఆ కొమ్మకు వేర్లు వచ్చే వరకు నీడలో ఉంచాలి. కుండీలో తేమ తగ్గినప్పుడు నీరు చల్లుతూ ఉండాలి. 

మొక్క మొలకెత్తి నేలపై పాకడానికి వీలుగా ఉన్నప్పుడు.. నేలలో లేదా పెద్ద కుండీలోకి మార్చుకోవాలి.

వీలైతే.. అప్పుడప్పుడు పశువుల ఎరువు, వేరుశెనగ పిండి వంటి సేంద్రియ ఎరువులు వేయడం మంచిది.