క్యారెట్ తింటే ఏమౌతుందో తెలుసా

 క్యారెట్ ఎన్నో పోషకాలున్న హెల్తీ కూరగాయ. దీనిలో ఉండే లైకోపీన్, ల్యూటిన్ లు కంటిచూపును మెరుగుపరుస్తాయి. కళ్లను ఆరోగ్యంగా ఉంచుతాయి.

అవును క్యారెట్ మీరు బరువు తగ్గడానికి కూడా సహాయపడుతుంది. క్యారెట్‌లో ఉండే ఫైబర్ ఆకలిని తగ్గించి, ఆరోగ్యాన్ని పాడు చేసే ఆహారాలు తినకుండా చేస్తుంది. 

క్యారెట్ ను తింటే మలబద్దకం వంటి జీర్ణ సమస్యలు కూడా తగ్గిపోతాయి. క్యారెట్ లోని ఫైబర్ జీర్ణక్రియను మెరుగుపరుస్తుంది. 

కొలెస్ట్రాల్ ను తగ్గించుకోవాలనుకునేవారికి కూడా ఉపయోగపడుతుంది. దీనిలో పుష్కలంగా ఉండే ఫైబర్ కొలెస్ట్రాల్ ను తగ్గించి గుండెను ఆరోగ్యంగా ఉంచుతుంది. 

క్యారెట్‌ జ్యూస్ మన ఆరోగ్యానికి చేసే మేలు అంతా ఇంతా కాదు. దీనిలో ఉండే పొటాషియం రక్తనాళాలు, ధమనుల్లో ఉద్రిక్తతను తగ్గించడానికి సహాయపడుతుంది.

క్యారెట్లు మన చర్మానికి కూడా ఎంతో మేలు చేస్తాయి. వీటిలో ఉండే బీటా కెరోటిన్, ల్యూటిన్, లైకోపీన్‌తో,  సిలికాన్ మన చర్మాన్ని కాంతివంతంగా, స్కిన్ టోన్ ను పెంచడానికి సహాయపడతాయి. 

క్యారెట్ ను తింటే మీ మెదడు కూడా ఆరోగ్యంగా ఉంటుంది. దీనిలో ఉండే రకరకాల విటమిన్లు, ఖనిజాలు బ్రెయిన్ కు శక్తినిస్తాయి. మెదడు పనితీరును మెరుగుపరుస్తాయి.