ఉప్పు, నిమ్మకాయతో.. గ్యాస్ స్టవ్ పై ఉన్న మరకలు ఇంత తొందరగా పోతాయా

ఒక గిన్నె తీసుకుని అందులో ఈనో, ఉప్పు వేసి బాగా కలపండి. దీంట్లో కొద్దిగా డిష్ వాషింగ్ డిటర్జెంట్ వేసి పేస్ట్ చేయండి. తర్వాత స్టవ్ మరకలపై దీన్ని రుద్ది శుభ్రం చేయండి. 

వెనిగర్, బేకింగ్ సోడాను సమాన పరిమాణంలో తీసుకుని స్టవ్ మరకలపై రుద్దండి. 10-15 నిమిషాల పాటు ఆరనిచ్చి ఆ తర్వాత శుభ్రం చేయండి. 

ఒక నిమ్మకాయను తీసుకుని సగానికి కోయండి. దీనికి ఉప్పును చల్లండి. దీన్ని గ్యాస్ స్టవ్ పై ఉన్న మరకలపై రుద్దండి. ఇది మరకలను పోగొట్టి కొత్తదానిలా మెరిసేలా చేస్తుంది. 

ముందుగా వేడి నీటిలో డిష్ వాషింగ్ డిటర్జెంట్ ను, ఉప్పును వేసి కలపండి. ఈ మిశ్రమాన్ని గ్యాస్ స్టవ్ పై రుద్ది స్క్రబ్బర్ తో శుభ్రం చేయండి.

బేకింగ్ సోడాలో కొద్దిగా హైడ్రోజన్ పెరాక్సైడ్ ను వేసి పేస్ట్ లా చేయండి. దీన్ని స్టవ్ మరకలపై రుద్దండి. 15-20 నిమిషాల తర్వాత తడి గుడ్డతో తుడిచేస్తే సరిపోతుంది. మరకలన్నీ పోతాయి.