ప్రెగ్నెన్సీ టైమ్ లో మందు, సిగిరెట్లు తాగితే ఎంత ప్రమాదమో తెలుసా?

గర్భం ధరించిన తర్వాత మద్యం తాగితే మద్యం రక్తం ద్వారా ప్లాసెంటాకు చేరుతుంది. అయితే అప్పటికి ఇంకా పిల్లల కాలేయం అభివృద్ధి చెందదు. కనుక పిల్లల ఆరోగ్యంపై చెడు ప్రభావం పడుతుంది.  

గర్భధారణ సమయంలో మహిళ మద్యం తీసుకుంటే పిండం ఆల్కహాల్ స్పెక్ట్రమ్ డిజార్డర్ కు గురవుతుంది. దీని కారణంగా మహిళకు గర్భస్రావం జరిగే ప్రమాదం ఉంది.

గర్భధారణ సమయంలో సిగిరెట్ తాగితే పుట్టే బిడ్డ పెదవులు పగిలిపోయి పుట్టే అవకాశం ఉంది.  నోటికి సంబంధించిన ఇతర సమస్యలు కూడా వచ్చే ప్రమాదం ఉంటుంది. 

 

తల్లి ఎక్కువగా ధూమపానం చేస్తే పుట్టే బిడ్డకు ఊపిరితిత్తులు బలహీనంగా మారతాయి. దీని కారణంగా పుట్టిన కొద్దిసేపటికే బిడ్డ మరణించే ప్రమాదం ఉంది.

గర్భం వచ్చాకా సిగరెట్ తాగడం కొనసాగిస్తే అకాల ప్రసవం జరగవచ్చు. అంటే నెలలు నిండక ముందే బిడ్డ పుట్టవచ్చు. దీని కారణంగా శిశువులో పెరుగుదల లోపాలు ఏర్పడతాయి. 

గర్భధారణ సమయంలో ధూమపానం, మద్యపానం చేయడం వల్ల సమయానికి ముందే బిడ్డ పుట్టే ప్రమాదం ఉంది. బిడ్డ బరువు కూడా తక్కువగా ఉండవచ్చు.