Lifestyle
దసరా, దీపావళి పండుగకు ఇంటిని శుభ్రం చేసుకుంటున్నప్పుడు ఫ్రిడ్జ్‌ను శుభ్రం చేసుకోవడం మర్చిపోవద్దు. ఫ్రిడ్జ్‌లోని దుర్వాసన వల్ల బ్యాక్టీరియా పెరిగి ఆహారం కూడా పాడవుతుంది.
ఫ్రిడ్జ్‌ను శుభ్రం చేయడానికి ముందు దాన్ని పూర్తిగా ఖాళీ చేయండి. మెయిన్ స్విచ్ ఆఫ్ చేసి, ప్లగ్ తీసివేయండి.
మీ ఫ్రిడ్జ్‌లో డిటాచబుల్ కంపార్ట్‌మెంట్‌లు ఉంటే, వాటిని బయటకు తీయండి. వాటిని లిక్విడ్ డిష్ వాష్‌తో శుభ్రం చేసి, ఆరబెట్టి, తిరిగి ఫ్రిడ్జ్‌లో ఉంచవచ్చు.
ఫ్రిడ్జ్ లోపలి భాగాన్ని శుభ్రం చేయడానికి బేకింగ్ సోడా, వెనిగర్‌తో పేస్ట్ తయారు చేయండి. మృదువైన వస్త్రం లేదా స్పాంజితో ఫ్రిడ్జ్‌పై రుద్ది శుభ్రం చేయండి.
స్విచ్ లోపలి భాగాన్ని మెరిసేలా చేయడానికి ఒక గిన్నెలో గోరువెచ్చని నీటిలో సగం చెంచా డిష్ వాషింగ్ లిక్విడ్, సగం చెంచా వెనిగర్ కలపండి. దీనితో ఫ్రిడ్జ్‌ను శుభ్రం చేయండి.
కూరగాయల పెట్టె, చిన్న డ్రాయర్లు, ట్రేలను శుభ్రం చేయడానికి కొంత సమయం వాటిని గోరువెచ్చని నీరు, సబ్బు నీటిలో నానబెట్టండి. తర్వాత స్క్రబ్బర్‌తో శుభ్రం చేసుకోండి.
ఫ్రిడ్జ్‌లో సైడ్‌లో ఉండే రబ్బరులో ధూళి చేరుతుంది. దీన్ని శుభ్రం చేయడానికి మీరు పాత టూత్ బ్రష్‌ను ఉపయోగించవచ్చు.
ఫ్రిడ్జ్ నుంచి వచ్చే దుర్వాసనను తొలగించడానికి బేకింగ్ సోడాలో నిమ్మరసం కలపండి. ఈ పేస్ట్‌ను స్క్రబ్బర్ సాయంతో రుద్ది, వస్త్రంతో తుడవండి. ఇలా చేయడం వల్ల ఫ్రిడ్జ్ నుంచి దుర్వాసన రాదు.