హెల్మెట్ పెట్టుకుంటున్నారా? ఈ జాగ్రత్తలు తప్పనిసరి

సురక్షిత ప్రయాణానికి హెల్మెట్ తప్పనిసరి. ప్రమాదాలు జరిగినప్పుడు తీవ్ర గాయాల నుండి హెల్మెట్ రక్షణ కల్పిస్తుంది. హెల్మెట్ లేకుండా టూవీలర్ నడపడం నేరం, జరిమానా కూడా విధిస్తారు.

అయితే ఎప్పుడూ హెల్మెట్ పెట్టుకుంటూ ఉంటే కొన్ని సమస్యలు తప్పవు. అవేంటో తెలుసుకుందాం.

చాలా సార్లు జుట్టు రాలిపోవడానికి హెల్మెట్ ఒక ముఖ్య కారణం అవుతుంది.

తల మొత్తం కప్పేసి హెల్మెట్ పెట్టుకున్నప్పుడు, తలకు చెమట ఎక్కువగా పడుతుంది. ఈ తేమ వల్ల తలలో దురద, తామర వంటివి వచ్చే అవకాశం ఉంది. దీనివల్ల జుట్టు రాలిపోతుంది.

వాడిన తర్వాత హెల్మెట్ ఎప్పుడూ గాలి తగిలే చోట పెట్టాలి. దీనివల్ల తలలో ఇన్ఫెక్షన్లు రాకుండా ఉంటుంది.

దూర ప్రయాణాలు చేసేటప్పుడు, మధ్యలో బైక్ ఆపి హెల్మెట్ తీసేయండి. దీనివల్ల చెమట పట్టకుండా ఉంటుంది.

హెల్మెట్ పెట్టుకునే ముందు జుట్టుని ఒక కాటన్ క్లాత్ తో కప్పుకోవడం మంచిది. దీనివల్ల జుట్టు రాలిపోవడం కొంతవరకు తగ్గుతుంది.

జుట్టు పొడిబారకుండా జాగ్రత్తపడాలి. లేకపోతే హెల్మెట్ కి, జుట్టుకి మధ్య రాపిడి ఎక్కువై జుట్టు రాలిపోతుంది.

చాలా టైట్ గా ఉన్న హెల్మెట్ పెట్టుకోకండి. జుట్టు బాగా బిగించి కట్టిన తర్వాత హెల్మెట్ పెట్టుకోకండి. జుట్టు వదులుగా ఉండనివ్వండి.

హెల్మెట్ లో జిడ్డు పట్టకుండా చూసుకోండి. తరచూ హెల్మెట్ శుభ్రం చేసుకోండి. తడి జుట్టుతో హెల్మెట్ పెడితే ఫంగల్ ఇన్ఫెక్షన్లు వచ్చే అవకాశం ఉంది.