ఇలా చేశారంటే ఈ చలికాలంలో బరువు తగ్గడం పక్కా

చలికాలంలో బద్దకంగా ఉంటుంటారు. కానీ ఈ సీజన్ లో కూడా వ్యాయామం, యోగా వంటి ఇండోర్ వ్యాయామాలను రెగ్యులర్ గా చేస్తే మీరు ఖచ్చితంగా బరువు తగ్గుతారు. 

షుగర్ డ్రింక్స్ కు బదులుగా గోరువెచ్చని లెమన్ వాటర్, హెర్బల్ టీ, గ్రీన్ టీ వంటి పానీయాలను తాగితే మీ బాడీ హైడ్రేట్ గా ఉంటుంది. మీ జీర్ణక్రియ మెరుగుపడుతుంది. హెల్తీగా బరువు తగ్గుతారు. 

సీజనల్ కూరగాయలను తిన్నా మీరు బరువు తగ్గొచ్చు. ఇందుకోసం బచ్చలికూర, క్యారెట్లు, క్యాబేజీ వంటి కూరగాయల్లో ఫైబర్ కంటెంట్ ఎక్కువగా ఉంటుంది. ఇవి మీరు బరువు తగ్గడానికి సహాయపడతాయి. 

వేడివేడిగా ఉంటే చాలు చలికాలంలో ఫుడ్ ను ఎంతంటే అంత లాగించేస్తుంటారు. కానీ దీనివల్ల బరువు పెరుగుతారు. కాబట్టి ఎంత టేస్టీగా ఉన్నా లిమిట్ లో తినండి. అప్పుడే బరువు తగ్గుతారు. 

బరువు తగ్గాలంటే ప్రోటీన్ ఫుడ్ ను ఖచ్చితంగా తినాలి. ఇందుకోసం పప్పు, చికెన్, టోఫు లీన్ ప్రోటీన్‌ ఫుడ్ ను రెగ్యులర్ గా తినండి. ప్రోటీన్ మీ కడుపును ఎక్కువ సేపు నిండుగా ఉంచుతుంది.

చాలా మంది చలికాలంలో నీళ్లను చాలా తక్కువగా తాగుతుంటారు. కానీ ఈ సీజన్ లో మీరు హైడ్రేట్ గా ఉంటేనే మీ జీవక్రియ పెరిగి బరువు తగ్గుతారు. ఆకలి కంట్రోల్ లో ఉంటుంది. కొవ్వు కరుగుతుంది.