Food
వర్షాకాలంలో పిల్లలు సీజనల్ వ్యాధుల బారిన పడే ప్రమాదం ఎక్కువగా ఉంటుంది. అయితే పిల్లల రోగనిరోధక శక్తిని పెంచితే వారికి వ్యాధులొచ్చే ప్రమాదం తగ్గుతుంది.
రోగనిరోధక శక్తిని పెంచడంలో కొన్ని ఆహారాలు చాలా ఎఫెక్టీవ్ గా పనిచేస్తాయి. అవేంటంటే?
రాగుల్లో క్యాల్షియం పుష్కలంగా ఉంటుంది. పిల్లలకు కొన్ని రోజులు వారి భోజనంలో వీటిని చేరిస్తే వారి ఇమ్యూనిటీ పవర్ పెరుగుతుంది. రాగులను పుట్టి లేదా దోశగా ఇవ్వొచ్చు.
నట్స్ పిల్లల్ని ఆరోగ్యంగా ఉంచుతాయి. వీటిలో వివిధ రకాల విటమిన్లు, మినరల్స్ పుష్కలంగా ఉంటాయి.
పిల్లలకు సార్డినెస్, మాకేరెల్ వంటి చేపలను ఇవ్వాలి. ఎందుకంటే దీనిలో ఉండే ప్రోటీన్లు, ఒమేగా-3 ఫ్యాటీ యాసిడ్లు రోగనిరోధక శక్తిని పెంచుతాయి.
స్ట్రాబెర్రీలు, బ్లూబెర్రీలు వంటి రకరకాల బెర్రీల్లో యాంటీఆక్సిడెంట్లు, విటమిన్లు పుష్కలంగా ఉంటాయి. ఇవి రోగనిరోధక శక్తిని పెంచడానికి సహాయపడతాయి.
బచ్చలికూర, పాలకూర , బ్రోకలీ వంటి కూరగాయలు రోగనిరోధక శక్తిని పెంచుతాయి.
పెరుగులో ఆరోగ్యకరమైన బ్యాక్టీరియా పుష్కలంగా ఉంటుంది. బలమైన గట్ మైక్రోబయోమ్ బలమైన రోగనిరోధక వ్యవస్థతో నేరుగా సంబంధం కలిగి ఉంటుందని నిపుణులు చెబుతున్నారు.
నిమ్మకాయ, నారింజ, ద్రాక్ష వంటి సిట్రస్ పండ్లలో విటమిన్ సి పుష్కలంగా ఉంటుంది. ఇది రోగనిరోధక శక్తిని పెంచుతుంది.
యాంటీ ఇన్ఫ్లమేటరీ, యాంటీఆక్సిడెంట్ లక్షణాలున్న అల్లం రోగనిరోధక శక్తిని పెంచడానికి సహాయపడుతుంది.