మిమ్మల్ని బ్లాక్ లేదా అన్‌ఫాలో చేశారా ?', జస్ట్ ఇలా తెలుసుకోండి..

ఇన్‌స్టాగ్రామ్‌లోని ప్రతి ఒక్కరికీ వారి యూజర్ పేరుతో ప్రత్యేకమైన ప్రొఫైల్ లింక్ ఉంటుంది. మీరు వారి ప్రొఫైల్ పేరు తర్వాత 'instagram.com/' అని టైప్ చేయడం ద్వారా ఆ అకౌంట్ కనుగొనవచ్చు. అప్పుడు “క్షమించండి, ఈ పేజీ అందుబాటులో లేదు” అని చూపిస్తే, అకౌంట్ యాక్టీవ్ లో లేదని లేదా వారు మిమ్మల్ని బ్లాక్ చేశారని భావించవచ్చు. 

మీ అకౌంట్ నుండి లాగ్ అవుట్ చేసి, వేరే అకౌంట్ నుండి లింక్‌ని తెరవండి లేదా వేరే బ్రౌజర్‌ని ఉపయోగించి యూజర్ పేరుతో సెర్చ్ చేయండి. అకౌంట్ ఇప్పటికీ చూపించకపోతే అకౌంట్ తొలగించబడిందని లేదా మార్చబడిందని అర్థం. 

ఎవరైనా మిమ్మల్ని బ్లాక్ చేసినట్లయితే, వారిని ట్యాగ్ చేయడానికి లేదా పేర్కొనడానికి Instagram మిమ్మల్ని అనుమతించదు. బ్లాక్ చేయబడిందని భావిస్తున్న ప్రొఫైల్ మీ పోస్ట్‌పై ఇంతకు ముందు కామెంట్ చేసినట్లయితే  మీరు ఆ  కామెంట్ ప్రొఫైల్‌పై క్లిక్ చేసి, అకౌంట్ ఉందొ లేదో చెక్ చేయవచ్చు. మీరు మెసేజెస్ చెక్ చేసినప్పుడు మీకు 'Instagram యూజర్' కనిపిస్తే, మీరు బ్లాక్ చేయబడినట్లు  అవకాశం ఉంది. Instagramలో ఎవరైనా మిమ్మల్ని బ్లాక్ చేశారో లేదో చెక్  చేయడానికి వేరొక అకౌంట్  ఉపయోగించి వెతకడం ఈజీ  మార్గం.