నేను ప్యాకేజీ తీసుకోలేదు.. కాకరేపుతున్న రేణు దేశాయ్ పొలిటికల్ పోస్ట్, ఆమె ఉద్దేశం ఏమిటీ?

పవన్ కళ్యాణ్ మాజీ భార్య రేణు దేశాయ్ సోషల్ మీడియాలో చాలా యాక్టివ్ గా ఉంటారు. వ్యక్తిగత విషయాలు షేర్ చేస్తారు. అదే సమయంలో సామాజిక, పొలిటికల్ అంశాల మీద స్పందిస్తుంటారు. 

ఇక పవన్ కళ్యాణ్ ఫ్యాన్స్ తో ఈమెకు తరచుగా గొడవలు జరుగుతుంటాయి. అకీరా పవన్ కళ్యాణ్ కొడుకు అంటే ఆమె ఒప్పుకోరు. మా అన్న కొడుకు అని ఓ నెటిజన్ కామెంట్ పెట్టగా... రేణు దేశాయ్ రాద్ధాంతం చేసింది. అకీరా నా కొడుకు అని బల్లగుద్ది చెప్పారు. 
 

పవన్ కళ్యాణ్ కి వ్యతిరేకంగా రేణు దేశాయ్ చేసే కామెంట్స్, సోషల్ మీడియా పోస్ట్స్ వెనుక ఎవరో ఉన్నారని ఫ్యాన్స్ నమ్ముతున్నారు. ప్రత్యర్థుల వద్ద డబ్బులు తీసుకుని రేణు దేశాయ్ మాజీ భర్త పవన్ కళ్యాణ్ మీద అప్పుడప్పుడు విమర్శలు చేస్తుందని అంటారు. 

ఎవరో డబ్బులు ఇచ్చి రేణు దేశాయ్ చేత పవన్ ఇమేజ్ కి డామేజ్ కలిగించే కామెంట్స్ చేయిస్తున్నారన్న ఆరోపణలను ఆమె ఖండించారు. పలుమార్లు సోషల్ మీడియాలో వివరణ ఇచ్చారు. ఇక భరణం క్రింద కూడా పవన్ కళ్యాణ్ వద్ద నుండి ఒక్కరూ రూపాయి తీసుకోలేదని రేణు దేశాయ్ గతంలో చెప్పడం కొసమెరుపు. 

తన ఇన్వెస్ట్మెంట్స్ మంచి లాభాలు ఇచ్చాయని, వాటితో పిల్లలను పెంచి పెద్ద చేశానని ఆమె ఓ ఇంటర్వ్యూలో అన్నారు. తాజాగా రేణు దేశాయ్ బీజేపీ ఎంపీ అభ్యర్థి మాధవీలతకు మద్దతుగా సోషల్ మీడియా పోస్ట్ పెట్టింది. మాధవీలత హైదరాబాద్ పార్లమెంట్ నియోజకవర్గం నుండి పోటీ చేస్తుంది. 
 

మాధవీలత ఎన్నికల ప్రచారంలో ప్రదర్శిస్తున్న హావభావాలు సోషల్ మీడియాలో వైరల్ అవుతున్నాయి. మాధవీలత ఫోటో షేర్ చేసిన రేణు దేశాయ్... చాలా కాలం తర్వాత ఒక స్ట్రాంగ్ ఉమన్ ని చూశాను. ఈ పోస్ట్ పెట్టడానికి నేను ఎవరి వద్ద డబ్బులు తీసుకోలేదు. నాకు చెప్పాలి అనిపించింది, చెప్పాను అంతే... అని కామెంట్ చేసింది.

రేణు దేశాయ్ పోస్ట్ వైరల్ గా మారింది. గతంలో పవన్ కళ్యాణ్ ఫ్యాన్స్ ఆమె డబ్బులు తీసుకుని ఒకరిని టార్గెట్ చేస్తుంది అన్న విమర్శలపై పరోక్షంగా ఆమె కౌంటర్ ఇచ్చారు. కాగా రేణు దేశాయ్ నటిగా సెకండ్ ఇన్నింగ్స్ స్టార్ట్ చేసింది. టైగర్ నాగేశ్వరరావు మూవీలో సోషల్ యాక్టివిస్ట్ గా నటించింది..