పెళ్లి కాకుండానే తల్లి కాబోతున్న ఫరియా అబ్దులా... కారణం ఎవరని ఒకటే చర్చ!

మొదటి చిత్రంతోనే బ్లాక్ బస్టర్ కొట్టింది ఫరియా అబ్దుల్లా. ఈ హైదరాబాద్ భామ నటించిన జాతి రత్నాలు భారీ విజయం సాధించింది. అనుదీప్ కేవీ దర్శకత్వం వహించిన జాతి రత్నాలు చిత్రంలో నవీన్ పోలిశెట్టి, ప్రియదర్శి, రాహుల్ రామకృష్ణ ప్రధాన పాత్రలు చేశాడు. చిన్న సినిమాగా విడుదలై పెద్ద విజయం అందుకుంది. 

జాతి రత్నాలు మూవీలో అమాయకపు లాయర్ పాత్రలో ఫరియా నటన నవ్వులు పూయిస్తుంది. చిట్టి పాత్రలో ప్రేక్షకులను ఆకట్టుకుంది. అయితే జాతి రత్నాలు అనంతరం ఆ రేంజ్ హిట్ మరలా పడలేదు. మోస్ట్ ఎలిజిబుల్ బ్యాచ్ లర్ చిత్రంలో గెస్ట్ రోల్ చేసింది. 

బంగార్రాజు మూవీలో ఫరియా ఐటెం సాంగ్ చేయడం కొసమెరుపు. రవితేజ నటించిన రావణాసుర చిత్రంలో ఫరియా అబ్దుల్లా కీలక రోల్ చేసింది. రావణాసుర సైతం ఆశించిన స్థాయిలో ఆడలేదు. ఫరియా లేటెస్ట్ మూవీ ఆ ఒక్కటీ అడక్కు. మే 3న విడుదలైంది. ఈ చిత్రం ప్రమోషన్స్ లో పాల్గొంటుంది ఫరియా. 

ఈ సందర్భంగా ఓ ఇంటర్వ్యూలో వ్యక్తిగత జీవితం గురించి ఫరియా ఆసక్తికర కామెంట్స్ చేసింది. నాకు వివాహ వ్యవస్థ మీద పెద్దగా నమ్మకం లేదు. పెళ్లి ఖచ్చితంగా చేసుకోవాలని అనుకోవడం లేదు. పెళ్లి అయితే అవుతుంది లేకుంటే లేదు. పెళ్లి గురించి ఎలాంటి ఆలోచన చేయలేదు. 

కానీ నాకు పిల్లలు అంటే ఇష్టం. పిల్లల్ని ఎలాగైనా కనొచ్చు. వాళ్ళను మంచిగా పెంచేందుకు తండ్రి బాధ్యతగా ఉండాలి. నాకు మ్యారేజ్ కాన్సెప్ట్ అంటేనే భయం వేస్తుంది... అని ఫరియా కుండబద్దలు కొట్టారు. కాబట్టి ఫరియా పెళ్లి చేసుకోకుండానే భవిష్యత్ లో తల్లి అవనుందని కొందరు అంచనా వేస్తున్నారు. అత్యాధునిక వైద్య విధానాలు అందుబాటులో ఉన్న నేపథ్యంలో మగవాళ్ల అవసరం లేకుండా తల్లి కావచ్చు. ఇదే ఫరియా అన్నారు. 

ఫరియాకు పెళ్లి అంటే భయం కలగడానికి కారణం ఎవరు? ఆమె అనుభవాలు ఏమిటనే? వాదనలు వినిపిస్తున్నాయి.  ఇక అల్లరి నరేష్ హీరోగా నటించిన ఆ ఒక్కటీ అడక్కు మూవీ పాజిటివ్ టాక్ తెచ్చుకుంది. వసూళ్ళు పర్లేదు అన్నట్లు ఉన్నాయి. అల్లరి నరేష్ ఈ మూవీలో పెళ్లి కానీ ప్రసాద్ రోల్ చేశాడు.