ప్రతినిధి 2 ట్విట్టర్ రివ్యూ: ఆ పార్టీకి అనుకూలంగా తీశారా? ఆడియన్స్ రెస్పాన్స్ ఇదే! హిట్టా ఫట్టా?

నారా చంద్రబాబు తమ్ముడు కుమారుడు నారా రోహిత్ హీరోగా ఎంట్రీ ఇచ్చి 15 ఏళ్ళు అవుతుంది. 25 సినిమాల వరకు చేశాడు. ఆయనకు ఫేమ్ రాలేదు. సోలో అనే చిత్రం మినహాయించి చెప్పుకోవడానికి ఒక్క హిట్ లేదు. 2018 తర్వాత ఆయన నుండి మరో చిత్రం రాలేదు. 

తెలుగు రాష్ట్రాల్లో పొలిటికల్ హీట్ నడుస్తుండగా... ఓ పొలిటికల్ థ్రిల్లర్ తో ప్రేక్షకుల ముందుకు వచ్చాడు. నారా రోహిత్ టీడీపీ నేత, ఈ చిత్ర దర్శకుడైన టీవీ 5 మూర్తికి టీడీపీ అనుకూల మీడియా జర్నలిస్ట్ అనే పేరుంది. సహజంగానే ప్రతినిధి 2 టీడీపీ పార్టీకి అనుకూలంగా, వైసీపీకి వ్యతిరేకంగా తెరకెక్కిన చిత్రం అనే వాదన జనాల్లో ఉంది. 

ప్రెస్ మీట్లో కూడా ఇదే ప్రశ్నలు దర్శకుడు టీవీ 5 మూర్తికి ఎదురయ్యాయి. ఇది ఏ పార్టీకి అనుకూలంగా తీసిన చిత్రం కాదు. పొలిటికల్ ప్రాపగాండా చిత్రం కాదని అన్నారు. ఈ విషయం అటుంచితే ప్రతినిధి 2 థియేటర్స్ లోకి వచ్చేసింది. సినిమా చూసిన ఆడియన్స్ సోషల్ మీడియా వేదికగా తమ అభిప్రాయం తెలియజేస్తున్నారు.

ప్రతినిధి 2 చిత్ర కథ విషయానికి వస్తే... నిజాయితీ గల చైతన్య(నారా రోహిత్) ఫ్రీలాన్స్ జర్నలిస్ట్ గా పని చేస్తూ ఉంటాడు. నిజాన్ని నిర్భయంగా బయటపెడుతూ డేరింగ్ జర్నలిస్ట్ గా పేరు తెచ్చుకుంటాడు. ఓ మీడియా సంస్థ ఏరికోరి చైతన్యను సీఈవోగా నియమించుకుంటుంది. అవినీతిపరులైన రాజకీయ నాయకుల బండారం బయటపెడుతూ ఉంటాడు చైతన్య. 

ఈ క్రమంలో ముఖ్యంత్రి ప్రజాపతి (సచిన్ ఖేడేకర్)పై హత్యాయత్నం జరుగుతుంది. అసలు ఈ కుట్ర వెనుక ఉన్నది ఎవరు? సిన్సియర్ జర్నలిస్ట్ చైతన్య ఏం చేశాడు? అతడి నేపథ్యం ఏమిటీ? అనేది కథ.. 

ప్రతినిధి 2 సినిమాలో అధికార వైసీపీ పార్టీకి వ్యతిరేకంగా కొన్ని సన్నివేశాలు ఉన్నాయి. చాలా వరకు పౌరులు బాధ్యతాయుతంగా ఉండాలి. ప్రజాస్వామ్యంలో ఓటు హక్కు చాలా ముఖ్యం అనేది తెలియజేశారు. జర్నలిజం గొప్పతనం చెప్పారు. మంచి సమాజం నిర్మించడంలో దాని పాత్ర ఉందని తెలియజేశారు. 

ఆడియన్స్ మాత్రం ఇది రొటీన్ పొలిటికల్ డ్రామా అంటున్నారు. అక్కడక్కగా ఆలోచింపజేసే సన్నివేశాలు ఉన్నాయి. అదే సమయంలో దర్శకుడు సినిమాటిక్ లిబర్టీ ఎక్కువ తీసుకున్నాడు . వాస్తవాలకు దూరంగా చాలా సన్నివేశాలు ఉన్నాయని అంటున్నారు. 

సీఎం పై హత్యాయత్నం, సీబీఐ పనితీరు సిల్లీగా ఉన్నాయని అంటున్నారు. ముఖ్యంగా సెకండ్ హాఫ్ రొటీన్, కమర్షియల్ ఫార్మటులో నడిపారని అభిప్రాయ పడుతున్నారు. జర్నలిస్ట్ పాత్రలో నారా రోహిత్ మెప్పించాడని ఆడియెన్స్ పాజిటివ్ గా స్పందించారు. 

మొత్తంగా చెప్పాలంటే ప్రతినిధి 2 ఎన్నికల వేళ ప్రతి పౌరుడు బాధ్యత తెలియజేసే చిత్రం. అయితే కథ, కథనాలు చాలా రొటీన్ గా ఉంటాయి. ప్రేక్షకులు థ్రిల్ ఫీల్ అయ్యే మలుపులు లేవు. ప్రతినిధి 2 ఒక సాదాసీదా పొలిటికల్ డ్రామా అని ప్రేక్షకుల అభిప్రాయం. 
 

ఆడియన్స్ మాత్రం ఇది రొటీన్ పొలిటికల్ డ్రామా అంటున్నారు. అక్కడక్కగా ఆలోచింపజేసే సన్నివేశాలు ఉన్నాయి. అదే సమయంలో దర్శకుడు సినిమాటిక్ లిబర్టీ ఎక్కువ తీసుకున్నాడు . వాస్తవాలకు దూరంగా చాలా సన్నివేశాలు ఉన్నాయని అంటున్నారు. 
 

సీఎం పై హత్యాయత్నం, సీబీఐ పనితీరు సిల్లీగా ఉన్నాయని అంటున్నారు. ముఖ్యంగా సెకండ్ హాఫ్ రొటీన్, కమర్షియల్ ఫార్మటులో నడిపారని అభిప్రాయ పడుతున్నారు. జర్నలిస్ట్ పాత్రలో నారా రోహిత్ మెప్పించాడని ఆడియెన్స్ పాజిటివ్ గా స్పందించారు. 

మొత్తంగా చెప్పాలంటే ప్రతినిధి 2 ఎన్నికల వేళ ప్రతి పౌరుడు బాధ్యత తెలియజేసే చిత్రం. అయితే కథ, కథనాలు చాలా రొటీన్ గా ఉంటాయి. ప్రేక్షకులు థ్రిల్ ఫీల్ అయ్యే మలుపులు లేవు. ప్రతినిధి 2 ఒక సాదాసీదా పొలిటికల్ డ్రామా అని ప్రేక్షకుల అభిప్రాయం.