ఘనంగా డైరెక్టర్ శంకర్ కుమార్తె రెండో పెళ్లి, అబ్బాయి ఎవరో తెలుసా.. హాజరైన హేమాహేమీలు

ఇండియాలో దిగ్గజ దర్శకులలో శంకర్ ఒకరు. అద్భుతమైన సందేశానికి భారీతనం, కమర్షియల్ ఎలిమెంట్స్ జోడించి సినిమాలు తీయడంలో శంకర్ తర్వాతే ఎవరైనా. డైరెక్టర్ శంకర్ ప్రస్తుతం కమల్ హాసన్ తో ఇండియన్ 2.. మెగా పవర్ స్టార్ రాంచరణ్ తో గేమ్ ఛేంజర్ చిత్రాలు తెరకెక్కిస్తున్నారు. 

తాజాగా శంకర్ ఇంట్లో శుభకార్యం జరిగింది. శంకర్ కి ఇద్దరు కుమార్తెలు.. ఓ కుమారుడు సంతానం అనే సంగతి తెలిసిందే. శంకర్ పెద్ద కుమార్తె ఐశ్వర్య శంకర్ వివాహ వేడుక చెన్నైలో ఘనంగా జరిగింది. 

ఈ వివాహ వేడుకకి కోలీవుడ్, టాలీవుడ్ నుంచి అతిరథ మహారథులు హాజరయ్యారు. ఐశ్వర్య శంకర్ కి ఇది రెండవ వివాహం. గతంలో ఆమె దామోదరన్ రోహిత్ అనే క్రికెటర్ ని వివాహం చేసుకుంది. 

అయితే దామోదరన్ 16 ఏళ్ళ అమ్మాయిని లైంగికంగా వేధించినట్లు ఆరోపణలు రావడంతో ఐశ్వర్య జీర్ణించుకోలేకపోయింది. దీనితో తన భర్తతో విభేదాలు తెలెత్తి 2021లో విడాకులు తీసుకుంది. 

తాజాగా ఐశ్వర్య శంకర్ రెండో వివాహం చేసుకున్న అబ్బాయి పేరు తరుణ్ కార్తికేయన్. శంకర్ దగ్గరే తరుణ్ అసిస్టెంట్ డైరెక్టర్ గా పనిచేస్తున్నాడు. కుర్రాడు బుద్దిమంతుడు అని తన కుమార్తెకి ఇచ్చి శంకర్ వివాహం చేశారా లేక.. ఐశ్వర్య, తరుణ్ మధ్య ప్రేమ ఏమైనా చిగురించిందా అనేది క్లారిటీ లేదు. 

ఎంతో వైభవంగా జరిగిన ఈ పెళ్లి వేడుకకి కోలీవుడ్ నుంచి బడా సెలెబ్రిటీలు హాజరయ్యారు. స్వయంగా తమిళనాడు ముఖ్యమంత్రి స్టాలిన్ శంకర్ కుమర్తె వివాహానికి హాజరయ్యారు. 

ఇక సూపర్ స్టార్ రజనీకాంత్, కమల్ హాసన్ లాంటి లెజెండ్స్ కూడా హాజరు కావడం విశేషం. అదే విధంగా డైరెక్టర్ మణిరత్నం, సుహాసిని దంపతులు కూడా హాజరై వధూవరులని ఆశీర్వదించారు. 

వీరితో పాటు సూర్య, కార్తీ, విక్రమ్, నయనతార విగ్నేష్ దంపతులు కూడా హాజరయ్యారు. అదే విధంగా మరికొందరు సెలెబ్రిటీలు కూడా హాజరై శంకర్ కుమార్తె పెళ్ళిలో సందడి చేశారు.