వాడేసిన టీ పొడి ని జుట్టుకు పెడితే ఏమౌతుంది?

టీ తయారు చేసిన తర్వాత ఆ పొడిని దాదాపు అందరూ పారేస్తారు. కానీ, ఆ పొడిని మనం చాలా రకాలుగా ఉపయోగించుకోవచ్చట. మొక్కల నుంచి జుట్టు వరకు వాడొచ్చు.

 

 

మిగిలిన టీ పొడిలో నత్రజని , సేంద్రీయ సమ్మేళనాలు ఉంటాయి, ఇవి మొక్కలకు ఎరువుగా పనిచేస్తాయి. మీరు దీన్ని ఎండబెట్టి నేరుగా కుండీలో వేయండి.

టీ పొడిని వడకట్టిన తర్వాత దాన్ని మళ్ళీ నీటిలో మరిగించి ఆ నీటితో మీ జుట్టును కడగండి. ఇది సహజ కండిషనర్‌గా పనిచేస్తుంది. జుట్టును మెరిసేలా , మృదువుగా చేస్తుంది.

ఉపయోగించిన టీ పొడిని కడిగి దాన్ని ముఖానికి స్క్రబ్‌గా ఉపయోగించవచ్చు. ఇది చనిపోయిన చర్మాన్ని తొలగించి చర్మాన్ని మృదువుగా,  శుభ్రంగా చేస్తుంది.

ముదురు రంగు దుస్తుల మెరుపు చాలా త్వరగా మసకబారుతుంది. అలాంటప్పుడు టీ పొడి నీటిలో బట్టలను నానబెట్టి ఉంచండి, దీనివల్ల బట్టల మెరుపు పెరుగుతుంది. దుర్వాసన కూడా తొలగిపోతుంది.

మిగిలిన టీ పొడితో పాత్రలు, సింక్,  స్టీల్ వస్తువులను శుభ్రం చేయవచ్చు. టీ పొడిని నేరుగా పాత్రలు, సింక్ లేదా స్టీల్ ఉపరితలంపై వేసి దాన్ని రుద్ది శుభ్రం చేసుకోండి.

ఉపయోగించిన టీ బ్యాగ్‌ను మీరు ఫ్రిజ్‌లో ఉంచి దాన్ని మీ కళ్ళ కింద ఉంచండి. దీనివల్ల నల్లటి వలయాలు, కళ్ళ వాపు తగ్గుతుంది.

టీ పొడిలో చీమలు,  కీటకాలు పారిపోయేలా చేసే గుణాలు ఉంటాయి. మీరు టీ పొడిని ఎండబెట్టి మూలల్లో చల్లండి లేదా దాని నీటిని కీటకాలు ఉన్న ప్రదేశంలో స్ప్రే చేయండి.