జుట్టు రాలడానికి కాలుష్యంతో పాటు ఎన్నో కారణాలు ఉంటున్నాయి. అయితే వీటితో పాటు తీసుకునే ఆహారం కూడా ఒక రీజన్ అని నిపుణులు చెబుతున్నారు.
మార్కెట్ లభించే జంక్ ఫుడ్స్ వల్ల కూడా వెంట్రుకల ఆరోగ్యం దెబ్బతింటుంది. ముఖ్యంగా ఉప్పు కంటెంట్ ఎక్కువగా చిప్స్, నూడిల్స్ వంటి వాటిని వీలైనంత వరకు తగ్గించాలని చెబుతున్నారు.
నూనెలో వేయించిన ఆహారాన్ని ఎక్కువగా తీసుకునే వారిలో కూడా జుట్టు త్వరగా ఊడిపోయే ప్రమాదం ఉంటుందని నిపుణులు అంటున్నారు.
చక్కెర కంటెంట్ ఎక్కువగా ఉండే ఆహారాన్ని రెగ్యులర్గా తీసుకునే వారిలో జుట్టు పలుచనబడి, త్వరగా ఊడిపోయే అవకాశాలు ఎక్కువగా ఉంటాయని నిపుణులు చెబుతున్నారు.
స్మోకింగ్, డ్రింకింగ్ వంటి చెడు అలవాట్లు సైతం జుట్టు ఆరోగ్యాన్ని దెబ్బతీస్తున్నాయి. ఈ అలవాట్లు జుట్టు రాలడానికి ముఖ్య కారణాల్లో ఒకటిగా చెబుతుంటారు.
ఉప్పు కంటెంట్ ఎక్కువగా ఉండే చిప్స్, పచ్చళ్లు తీసుకుంటే జుట్టు చిట్టు, చిట్లుగా మారి రాలిపోతుంది. అందుకే ఉప్పును మితంగా తీసుకోవడమే ఉత్తమం.
రెడ్మీట్ అధికంగా తీసుకునే వారిలో కుదుళ్లకు రక్త ప్రసరణ సరిగ్గా జరగదు. ఈ కారణంగా జుట్టు రాలడంతో పాటు చుండ్రు సమస్య ఎక్కువగా వచ్చే అవకాశం ఉంటుంది.
ఎనర్జీ డ్రింక్స్ను రెగ్యులర్గా తీసుకునే వారిలో కూడా జుట్టు త్వరగా ఊడిపోతుందని నిపుణులు చెబుతున్నారు. వీటిలో ఉండే కృత్రిమ రసాయనాలు జుట్టు ఆరోగ్యాన్ని దెబ్బతీస్తాయి.
పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలే పాటించాలి.