బైకర్లకు మర్చిపోలేని రోడ్ ట్రిప్‌ని అందించే మార్గాలు ఇవి..

బైక్ రైడింగ్ ఇష్టపడే వాళ్లకి ఇండియాలో చాలా మంచి రూట్స్ ఉన్నాయి. కబినీ వన్యప్రాణుల నుంచి లేహ్‌లోని ఎత్తైన కనుమల వరకు సరికొత్త అనుభూతిని పంచే ఒక రూట్ ఉంది.

బెంగళూరు-మైసూర్-కబినీ రూట్ ప్రకృతి పచ్చదనంతో ఉంటుంది. కబినీలో మీకు వన్యప్రాణులు కనుల విందు చేస్తాయి. ఇక్కడి టైగర్ రిజర్వ్, బ్యాక్ వాటర్స్ మీ ప్రయాణాన్ని మరింత ప్రత్యేకంగా చేస్తాయి.

భుజ్- భచావ్ - ధోలావీర ప్రయాణంలో కచ్ ఎడారిలో బైక్ నడపడం ఒక కలలా ఉంటుంది. దారిలో రణ్ ఉత్సవ్, హస్తకళల మార్కెట్, కచ్ సంస్కృతిని మీకు మర్చిపోలేని ట్రిప్ అనుభవాన్ని పంచుతాయి.

ఢిల్లీ - గురుగ్రామ్ - మానేసర్ మీదుగా ఈ రూట్ చారిత్రక కట్టడాలు, ఎడారి అందాల కలయిక. జైపూర్ చేరుకుని రాజస్థానీ సంస్కృతిని ఆస్వాదించవచ్చు.

మైసూర్ - బాందిపూర్ నేషనల్ పార్క్ - ఉటీ మీదుగా ఈ రూట్ వంకర టింకర రోడ్లు, పచ్చదనానికి ప్రసిద్ధి. ఉటీ వాతావరణం, టీ తోటలు మీ ప్రయాణాన్ని మరపురానిదిగా చేస్తాయి.

జమ్మూ - శ్రీనగర్ - గుల్మార్గ్ రూట్‌లో పచ్చని పర్వతాలు, సరస్సులు, మంచుతో కప్పబడిన శిఖరాలు కనిపిస్తాయి. గుల్మార్గ్ అందమైన స్నో రైడింగ్ అనుభవం దీన్ని మరింత ప్రత్యేకంగా చేస్తుంది.

షిమ్లా - సరాహన్ - స్పితి - కాజా రూట్ సాహస రైడర్లకు సరిపోతుంది. ఇక్కడి ఇరుకైన రోడ్లు, మంచు లోయలు, పురాతన బౌద్ధ మఠాలు మిమ్మల్ని వేరే లోకంలోకి తీసుకెళ్తాయి.

మనాలి - రోహతాంగ్ పాస్ - సర్చు - లేహ్ రూట్ ప్రతి బైక్ రైడ్ చాలా గొప్ప కల అని చెప్పాలి.  ప్రపంచంలోనే ఎత్తైన మోటరబుల్ రోడ్, అందమైన కనుమలు, లడఖ్ ప్రశాంతత దీన్ని అందంగా చేస్తాయి.

మంగళూరు - ఉడిపి - కార్వార్ - గోవా బైక్ రైడ్ దాదాపు 350KM. ఈ రూట్‌లో ఒకవైపు సముద్రపు అలలు, మరోవైపు కొబ్బరి చెట్లు సూపర్ అని చెప్పాలి. అక్టోబర్ నుండి మార్చి సమయం ట్రిప్ బాగుంటుంది.