ఇలా చేస్తే.. ఇంట్లో ఒక్క చీమ కూడా ఉండదు!

వర్షాకాలంలో చీమల బెడద ఎక్కువగా ఉంటుంది. వాటిని ఇంట్లో నుంచి ఎలా తరిమికొట్టాలో ఇక్కడ చూద్దాం.             

చీమలు వచ్చే చోట్ల నిమ్మరసం లేదా నిమ్మతొక్కలు పెట్టండి. నిమ్మ వాసనను చీమలు సహించలేవు.

వెనిగర్‌ను నీటిలో కలిపి, దానికి సుగంధ తైలం కలపండి. ఈ వాసనకు చీమలు రావు.

బత్తాయి తొక్కను కొద్దిగా వేడి నీటిలో నానబెట్టి, మెత్తగా పేస్ట్‌లా  చేయండి. చీమలు వచ్చే చోట ఈ పేస్ట్‌ను రాస్తే సరిపోతుంది.

ఉప్పును నీటిలో కలిపి మరిగించి, చీమలు వచ్చే చోట చల్లండి. ఇలా చేస్తే చీమలు రాకుండా చేయచ్చు.

చీమలకు కారం ఇష్టం ఉండదు. కాబట్టి మిరియాల పొడిని అవి వచ్చే చోట చల్లితే సరిపోతుంది.

చాక్‌లో కాల్షియం కార్బోనేట్ ఉంటుంది. దీన్ని చీమలు వచ్చే చోట చల్లడం లేదా గీతలు గీయడం ద్వారా వాటిని రాకుండా ఆపచ్చు.