రస్క్

సాధారణంగా చాలా మంది ఉదయాన్నే వేడి వేడి టీతో రస్క్ లను ఇష్టంగా తింటుంటారు. పిల్లల నుంచి పెద్దల వరకు అందరూ వీటిని ఎంతో ఇష్టంగా తింటారు.

రస్క్ లు టేస్టీగా ఉన్నా వీటిని తినడం ఆరోగ్యానికి అస్సలు మంచిది కాదు. దీనివల్ల మీ శరీరంపై చెడు ప్రభావం పడుతుంది. వీటిని తింటే ఎలాంటి సమస్యలు వస్తాయో ఇప్పుడు తెలుసుకుందాం..
 

దీనిలో కేలరీలు, చక్కెరలు ఎక్కువ మొత్తంలో ఉంటాయి. అందుకే రక్తంలో చక్కెర స్థాయిలు ఎక్కువగా ఉన్నవారికి ఇవి అస్సలు మంచివి కావు. ఇవి బ్లడ్ షుగర్ ను పెంచుతాయి.
 

రస్క్ లల్లో గ్లూటెన్ ఎక్కువగా ఉంటుంది. అయితే ఈ గ్లూటెన్ అందరికీ సులువుగా జీర్ణం కాదు. దీనివల్ల ఉదర సంబంధ సమస్యలు వస్తాయి.
 

రష్క్ లను రోజూ తినడం వల్ల జీర్ణవ్యవస్థ దెబ్బతింటుంది. ఇది కడుపు ఉబ్బరం, అజీర్ణం, పేలవమైన జీర్ణక్రియ, మలబద్ధకం వంటి ఎన్నో సమస్యలకు దారితీస్తుంది.