Lifestyle
ప్రతి ఇంట్లో దాదాపు అందరి ఇళ్లల్లో వంట టీ తోనే మొదలౌతుంది. టీ చేసిన తర్వాత మిగిలిన టీ పొడిని మనం చెత్తలో పడేస్తాం. కానీ..దానితో చాలా అద్భుతాలు చేయవచ్చట.
టీ పొడిని కాస్త ఎండలో ఆరపెట్టి.. తర్వాత కొద్దిగా మొక్కల మట్టిలో కలపండి లేదా నేరుగా వేళ్లలో వేయండి. మనీ ప్లాంట్, గులాబీ , ఇతర మొక్కలకు ఇది అద్భుతమైన ఎరువు.
మిగిలిన టీ పొడిని మళ్ళీ మరిగించండి. ఈ నీటిని ఒక స్ప్రే బాటిల్‌లో వేసి దానితో అద్దాలు, గాజు పాత్రలను శుభ్రం చేయండి.
మిగిలిన టీ పొడి జుట్టుకు కూడా చాలా ప్రయోజనకరంగా ఉంటుంది. ఇది జుట్టును ఆరోగ్యంగా, మెరిసేలా చేస్తుంది. మీరు దీన్ని మెహందీలో కలిపి రాసుకోవచ్చు లేదా దాని నీటితో జుట్టును కడగవచ్చు.
ఈగలు, కీటకాలను దూరంగా ఉంచడానికి, మిగిలిన టీ పొడిని మళ్ళీ మరిగించి, వడకట్టి, ఈ నీటితో ఈగలు , కీటకాలు వచ్చే ప్రదేశంలో తుడిస్తే సరిపోతుంది.
చాపింగ్ బోర్డును శుభ్రం చేయడానికి ఒక స్పూన్ డిష్ వాష్ , నిమ్మరసం కలపండి. తర్వాత చాపింగ్ బోర్డుపై మిగిలిన టీ పొడిని వేసి డిష్ వాష్ లిక్విడ్‌తో శుభ్రం చేసుకోండి.
బూట్లు ధరించడం వల్ల పాదాల నుండి దుర్వాసన వస్తుంది. టీ పొడిని నీటిలో మరిగించి,వడకట్టి గోరువెచ్చని నీటిలో కలపాలి. ఆ నీటిలో 10 నిమిషాలు పాదాలను ముంచితే పాదాల దుర్వాసన తొలగిపోతుంది.