ఎక్కువసేపు కారును ఎండలో ఉంచితే ఏమౌతుందో తెలుసా?

కారును ఎక్కువ సేపు ఎండలో పార్క్ చేయడం వల్ల కలిగే ప్రధాన సమస్యలు ఏంటో ఇప్పుడు చూద్దాం..

ఎక్కువసేపు కారు ఎండలో ఉంచడం వల్ల కారు పనితీరు తగ్గుతుంది. కారు ఇంటీరియర్, ఎక్స్టీరియర్ ని కూడా చాలా ఎఫెక్ట్ చేస్తుంది.

కారును ఎండలో ఎక్కువసేపు ఉంచడం వల్ల పెయింట్ పాడవుతుంది. తీవ్రమైన ఎండ కిరణాల వల్ల రంగు మసకబారుతుంది. కారు మెరుపును కోల్పోతుంది. ఇది మీ కారును పాతదిగా, నిర్జీవంగా చేస్తుంది.

ఇంటీరియర్‌లోని డాష్‌బోర్డ్, స్టీరింగ్ వీల్, సీట్లు ఎండ ప్రభావానికి గురవుతాయి. ప్లాస్టిక్, తోలు వస్తువులు ఎక్కువగా ప్రభావితమవుతాయి. దుర్వాసన రావడం ప్రారంభమవుతుంది.

కారును ఎండలో ఉంచడం వల్ల టైర్ల నాణ్యత దెబ్బతింటుంది. అధిక వేడి టైర్ పీడనాన్ని పెంచుతుంది. టైర్‌లో పగుళ్లు ఏర్పడతాయి. ఇది టైర్ పంక్చర్ అయ్యే అవకాశాలను పెంచుతుంది.

అధిక వేడి కారు బ్యాటరీ జీవితాన్ని తగ్గిస్తుంది. వేడి బ్యాటరీలోని రసాయనాల ప్రతిచర్యను వేగవంతం చేస్తుంది.  దీనివల్ల బ్యాటరీ త్వరగా పాడవుతుంది.

మీరు కారును ఎండలో పార్క్ చేస్తే, ఇంజిన్ చల్లబరచడానికి ఎక్కువ సమయం పడుతుంది. ఇది ఇంధన సామర్థ్యాన్ని కూడా ప్రభావితం చేస్తుంది. మైలేజ్ కూడా తగ్గుతుంది.

ఎండలో ఎక్కువసేపు పార్క్ చేసే కారులోని ఇన్ఫోటైన్‌మెంట్ సిస్టమ్, ఎసి కంట్రోల్ కూడా అధిక వేడి వల్ల దెబ్బతింటాయి.