భారీ మొత్తంలో పట్టుబడ్డ గుట్కా ప్యాకెట్లు (వీడియో)

నిషేధిత గుట్కా ప్యాకెట్లను అక్రమంగా రవాణా చేస్తున్నవారిని పట్టుకోవడంతో భారీ స్కాం వెలుగులోకి వచ్చింది. వివరాల్లోకి వెడితే కృష్ణా జిల్లా ఎస్పీ రవీంద్ర బాబు, నందిగామ డిఎస్పీ రమణ మూర్తిలకు నిషేధిత గుట్కా అక్రమరవాణా జరుగుతుందన్న సమాచారం వచ్చింది. ఈ సమాచారం మేరకు నందిగామ రూరల్ సీఐ సతీష్ మరియు కంచికచర్ల ఎస్సై శ్రీ హరి బాబు తన సిబ్బందితో కంచికచర్ల గొట్టుముక్కల రోడ్డు లో మాటువేశారు. టీవీఎస్ ఎక్సెల్ పై చాక్లెట్లు, బిస్కెట్లు, లేస్ ప్యాకెట్ లు పెట్టుకొని వెళుతున్న వ్యక్తిని ఆపగా లేస్ ప్యాకెట్ లు కింద గుట్కా ప్యాకెట్లు లభించాయి. ఆ వ్యక్తిని అదుపులోకి తీసుకొని ప్రశ్నించగా అతను ఇచ్చిన సమాచారం మేరకు భారీ మొత్తంలో గుట్కా నిల్వలు లభ్యమయ్యాయి. కేసు నమోదు చేసుకుని దర్యాప్తు చేస్తున్నారు.