ధర్మపురిలో కిడ్నాప్ కలకలం... సినీపక్కీలో యువకుడి అపహరణ

జగిత్యాల : ఇవాళ తెల్లవారుజామున ధర్మపురి పట్టణంలో సినీపక్కీలో ఓ యువకుడి కిడ్నాప్ యత్నం కలకలం రేపింది. తెల్లవారుజామును కారులో బయటకు వెళుతున్న సంఘీ నరేష్ అనే యువకున్ని గుర్తుతెలియని దుండగులు అపహరించారు. అయితే వెంటనే యువకుడి కుటుంబసభ్యులు అప్రమత్తమై కారును వెంబడించి కిడ్నాపర్ల చెరనుండి యువకున్ని సురక్షితంగా కాపాడారు. కిడ్నాపర్లతో పెనుగులాటల నరేష్ స్వల్పంగా గాయపడగా హాస్పిటల్ కు తరలించారు.కోసునూరుపల్లి వద్ద కిడ్నాపర్లను పట్టుకుని పోలీసులకు అప్పగించారు. కేసు నమోదు చేసిన పోలీసులు దర్యాప్తు చేపట్టారు. యువకుడి కిడ్నాప్ కు గల కారణాలు తెలియాల్సి వుంది.