పెద్దపల్లి జిల్లాలో రెచ్చిపోయిన బియ్యం మాఫియా... తన్నుకున్న రెండువర్గాలు

పెద్దపల్లి : బియ్యం కొనుగోలు విషయంలో రెండు గ్రూపులకు మధ్య చెలరేగిన గొడవ పెద్దపల్లి జిల్లాలో ఉద్రిక్తత సృష్టించింది. ఒకరి ఏరియాలోకి మరొకరు వచ్చి బియ్యం కొనుగోలు చేయడంతో రెండు గ్రూపుల గొడవకు కారణమయ్యింది. దీంతో ఓ గ్రూప్ పై మరో గ్రూప్ దాడులకు దిగడంతో చాలామందికి తీవ్ర గాయాలయ్యాయి. 

పెద్దపల్లి జిల్లాలో బియ్యం కొనుగోలు చేసే వ్యాపారులు ఎక్కడికక్కడ గ్రూపులుగా ఏర్పడ్డారు. ఒకరి ఏరియాలో మరొకరు వచ్చి వ్యాపారం చేయడానికి వీల్లేదు. అయితే తాజాగా సుల్తానాబాద్ పట్టణానికి చెందిన కొందరు వ్యాపారులు ఎలిగేడు మండలంలో బియ్యం కొనుగోలుకు యత్నించారు. దీంతో  తమ ఏరియాకు వచ్చి బియ్యం వ్యాపారం చేయడంతో ఆగ్రహించిన స్థానిక వ్యాపారులు వారిపై దాడికి దిగారు. దీంతో పలువురికి తీవ్ర గాయాలవగా కరీంనగర్ హాస్పిటల్ కు తరలించి చికిత్స అందిస్తున్నారు.