నేడే సిబిఐ ముందుకు కేసీఆర్ కూతురు... కవిత ఇంటివద్ద కర్ఫ్యూ వాతావరణం

హైదరాబాద్ : తెలంగాణ ముఖ్యమంత్రి కేసీఆర్ కూతురు, టీఆర్ఎస్ ఎమ్మెల్సీ కల్వకుంట్ల కవితను నేడు(ఆదివారం) సిబిఐ విచారించనుంది. డిల్లీ లిక్కర్ స్కాంతో సంబంధాలపై సిబిఐ అధికారులు విచారించి కవిత స్టేట్ మెంట్ రికార్డ్ చేయనున్నారు. ఇందుకోసం హైదరాబాద్ లోని కవిత ఇంటికే సిబిఐ అధికారులు వెళ్లనున్నారు. దీంతో కవిత ఇంటివద్ద ఎలాంటి ఆందోళనలు, ఉద్రిక్తత చోటుచేసుకోకుండా పోలీసులు బందోబస్తు చేపట్టారు. కవిత ఇంటికి వెళ్లే మార్గంలో భారీకేడ్లు ఏర్పాట్లు చేసారు. దీంతో నిత్యం బిఆర్ఎస్ నాయకులు, కార్యకర్తలతో సందడిగా వుండే కవిత ఇంటి పరిసరాలు నేడు నిర్మానుష్యంగా మారాయి.