తెలంగాణలో షిండే మోడల్... నాకు బిజెపి ఆఫర్లు నిజమే : కవిత సంచలనం

హైదరాబాద్ : తెలంగాణలో అధికార టీఆర్ఉస్ పార్టీని దెబ్బతీయడానికి ఏకంగా తన కూతురు కవితనే బిజెపిలో చేర్చుకోడానికి ఆ పార్టీ నాయకులు ప్రయత్నించారంటూ సీఎం కేసీఆర్ వ్యాఖ్యలు సంచలనంగా మారిన విషయం తెలిసిందే. తాజాగా తన తండ్రి కామెంట్స్ పై ఎమ్మెల్సీ కవిత స్పందించారు. బిజేపీలో చేరాలంటూ తనకు ఆఫర్లు వచ్చిన మాట నిజమేనని... అయితే ఇది ఎవరు చేసారో పేర్లు మాత్రం చెప్పనని అన్నారు. బిజెపితో పాటు దాని అనుబంధ సంస్థలు, ఆ పార్టీ సన్నిహితుల నుండి చాలా ఆఫర్లు వచ్చాయని... వాటిని చాలా మర్యాదగా తిరస్కరించానని కవిత తెలిపారు. మహారాష్ట్రలో మాదిరిగా తెలంగాణలోనూ షిండే మోడల్ అమలు చేద్దామన్నట్లుగా మాట్లాడారంటూ కవిత పేర్కొన్నారు. కానీ తెలంగాణలో ఈ షిండే మోడల్ నడవదన్నారు.