బాణసంచా బ్యాన్ : పటాకుల్లా మండిపడుతున్న వ్యాపారులు..

రాష్ట్రంలో బాణసంచాపై నిషేధం విధించాలని కోరుతూ దాఖలైన పిల్ పై తెలంగాణ హైకోర్టు గురువారం నాడు విచారణ జరిపింది.ఈ విచారణలో బాణసంచా క్రయ విక్రయాలతో పాటు  కాల్చడంపై నిషేధం విధించాలని ప్రభుత్వాన్ని ఆదేశించింది. ఈ ఆదేశాలను పాటించకుండా క్రయ విక్రయాలు జరిపేవారితో పాటు బాణసంచా కాల్చేవారిపై కేసులు నమోదు చేయాలని హైకోర్టు ప్రభుత్వాన్ని ఆదేశించింది. ఈ ఆదేశాలను అనుసరించి ఇవాళ తెలంగాణ ప్రభుత్వం బాణసంచాను నిషేధిస్తూ ఉత్తర్వులు జారీ చేసింది. ఈ ఉత్తర్వులను సవాల్ చేస్తూ క్రాకర్స్ అసోసియేషన్ సుప్రీంకోర్టులో లంచ్ మోషన్ పిటిషన్ దాఖలు చేసింది. ఈ పిటిషన్ పై విచారణ చేపట్టిన  సుప్రీంకోర్టు.. హైకోర్టు నిషేధంపై మధ్యంతర ఉత్తర్వులు ఇచ్చింది. గ్రీన్ క్రాకర్స్ కు అనుమతి ఇచ్చి బాణాసంచా వ్యాపారులకు ఊరట కల్పించింది.