ఈ మునుగోడు ముసలావిడ మాటలింటే... టీఆర్ఎస్ శ్రేణులకు పూనకాలే

నల్గొండ : మునుగోడు ఉపఎన్నిక భవిష్యత్ రాజకీయాలను ప్రభావితం చేసే అవకాశాలుండటంతో ప్రధాన పార్టీలన్ని ప్రతిష్టాత్మకంగా తీసుకున్నాయి. ఇప్పటికే అధికార టీఆర్ఎస్, ప్రతిపక్ష బిజెపి, కాంగ్రెస్ పార్టీలు ప్రచారాన్ని ముమ్మరం చేసాయి. కానీ కొందరు ఓటర్లు ఈ ప్రచార ప్రలోభాలకు లొంగకుండా తమకు నచ్చిన పార్టీకే ఓటేస్తామని కుండబద్దలు కొడుతున్నారు. ఇలా ఓ ముసలావిడ కూడా తాను కేసీఆర్ కు తప్ప ఇంకెవ్వరికీ ఓటెయ్యబోనని చెబుతోంది. గుడ్డిదానిలా తిరుగుతున్న తనకు కంటి ఆపరేషన్ చేయించింది కేసీఆర్ అని... మరి ఆయనకు కాకుండా ఇంకెవరి వేస్తాను... తానే కాదు మరో పది మందితో కూడా కేసీఆర్ కే ఓటేయిస్తా... ఏం జరిగినా రాజగోపాల్ రెడ్డికి ఓటెయ్యబోనని కరాకండిగా తెలిపింది వృద్దురాలు. ఈ మాటలు టీఆర్ఎస్ శ్రేణులకు మరింత జోష్ ఇచ్చేలా వున్నాయి. వృద్దురాలి వీడియో సోషల్ మీడియాలో చక్కర్లు కొడుతోంది.