మునుగోడు ఉపఎన్నిక ... కౌంటింగ్ కేంద్రం నుండి బయటకెళ్లిన కోమటిరెడ్డి

నల్గొండ : మునుగోడు ఉపఎన్నిక ఓట్ల లెక్కింపు హోరాహోరీగా సాగుతోంది. రౌండ్ రౌండ్ కు బిజెపి, టీఆర్ఎస్ మధ్య లీడింగ్ మారుతూ ఫలితాలు తారుమారు అవుతున్నాయి. ఈ క్రమంలో ఇప్పటివరకు కౌంటింగ్ సెంటర్ లో వున్న బిజెపి అభ్యర్థి కోమటిరెడ్డి రాజగోపాల్ రెడ్డి బయటకు వెళ్ళిపోయారు. ఈ సందర్భంగా కోమటిరెడ్డి మాట్లాడుతూ...  చౌటుప్పల్ మండలంలో తాము అనుకున్నంత మెజార్టీ రాలేదని  పేర్కొన్నారు. ఇప్పటివరకైతే టీఆరెఎస్ ఆధిక్యంలో ఉందని... చివరి రౌండ్ వరకు హోరాహోరి పోరు తప్పక పోవచ్చని అన్నారు. బిజెపి గెలుస్తుందనే నమ్మకం తనకుందని... రౌండ్ రౌండ్ కు ఫలితాలు మారుతున్నాయన్నారు.