అభిమానుల కోసం తగ్గేదేలే... బస్సు టాపెక్కి రాహుల్ గాంధీ సెల్పీలు

హైదరాబాద్ : కాంగ్రెస్ పార్టీ కీలక నేత, ఎంపీ రాహుల్ గాంధీ చేపట్టిన భారత్ జోడో యాత్ర భాగ్యనగరానికి చేరుకుంది. భారీగా కాంగ్రెస్ శ్రేణులు వెంటరాగా శివారులోని శంషాబాద్ నుండి హైదరాబాద్ కు రాహుల్ పాదయాత్ర జోరుగా సాగుతోంది. ఈ క్రమంలో అభిమానుల కోరిక మేరకు రాహుల్ రోడ్డుపక్కన ఆగివున్న బస్సు టాప్ పైకెక్కి సెల్పీలు ఇచ్చారు. రాహుల్ తో పాటు టిపిసిసి అధ్యక్షుడు రేవంత్ రెడ్డి కూడా బస్సెక్కి సెల్పీలిచ్చారు. తమ అభిమాన నాయకుడు ఆర్టిసి బస్సెక్కుతుండగా కాంగ్రెస్ శ్రేణుల కేరింతలతో ఆ ప్రాంతం దద్దరిల్లింది.