పాదయాత్ర విరామంలో మౌనంపాటించి ... ములాయంకు రాహుల్ ఘన నివాళి

xకర్ణాటక :  ఉత్తర ప్రదేశ్ మాజీ ముఖ్యమంత్రి, సమాజ్ వాది పార్టీ వ్యవస్థాపకులు ములాయం సింగ్ యాదవ్ మృతికి కాంగ్రెస్ ఎంపీ రాహుల్ గాంధీ నివాళి అర్పించారు. ప్రస్తుతం భారత్ జోడో యాత్రలో భాగంగా కర్ణాటకలో పాదయాత్ర నిర్వహిస్తున్న రాహుల్ రాజకీయ కురువృద్దుడు ములాయం మరణవార్త విని దిగ్భ్రాంతి వ్యక్తం చేసారు. చిత్రదుర్గ జిల్లా హిరియూర్ వద్ద మద్యాహ్న విరామ సమయంలో ములాయం చిత్రపటంముందు కాస్సేపు మౌనం పాటించారు రాహుల్. ఆయనతో పాటు కర్ణాటక కాంగ్రెస్ చీఫ్ డికె శివకుమార్, సీనియర్ నాయకులు దిగ్విజయ్ సింగ్ తదితర నాయకులు కూడా ములాయంకు నివాళి అర్పించారు.