యశోద మూవీ పబ్లిక్ టాక్ : 'సమంత లో ఈ యాంగిల్ కూడా ఉందా..?'

లేడీ ఓరియెంటెడ్ చిత్రాల్లో సమంతకు మంచి ట్రాక్ ఉంది. ఆమె నటించిన యూ టర్న్, ఓ బేబీ హిట్ టాక్ సొంతం చేసుకున్నాయి. ముఖ్యంగా ఓ బేబీ భారీ వసూళ్లతో సమంత కెరీర్ బెస్ట్ చిత్రాల్లో ఒకటిగా నిలిచింది. సమంతకు ఉన్న స్టార్డమ్ రీత్యా మంచి కథ పడితే సోలోగా సిల్వర్ స్క్రీన్ ని దున్నేయగల సత్తా ఉన్న హీరోయిన్. అందుకే ఆమెతో భారీ బడ్జెట్ తో యశోద ప్లాన్ చేశారు. ఒక హీరోయిన్ ప్రధాన చిత్రాన్ని ఇంత పెద్ద స్థాయిలో నిర్మించడం, పాన్ ఇండియా మూవీగా విడుదల చేయడం గొప్ప విషయం. యశోద బడ్జెట్, ప్రీ రిలీజ్ రూ. 50 కోట్లకు పైమాటే అని ట్రేడ్ వర్గాల అంచనా. ఈ నేపథ్యంలో నేడు విడుదలైన సినిమా ప్రేక్షకుల అంచనాలను అందుకుందా లేదా అనేది ఈ పబ్లిక్ టాక్ లో తెలుసుకుందాం..!