ఆ రోజు కిడ్నాప్ చేశారు.. బిగ్ బాస్ 3పై హేమ (వీడియో)

తెలుగులో బిగ్ బాస్ రియాలిటీ షో మూడో సీజన్ మొదలైన సంగతి తెలిసిందే.. మొదటి వారం ఎలిమినేషన్ లో నటి హేమ బయటకి వచ్చేసింది. అలా బయటకి వచ్చేసిన ఆమె మీడియా ముందుకు వచ్చి కొన్ని సంచలన కామెంట్స్ చేసింది. తనకు ఎంతో మంది ఓట్లు వేశారని కానీ టెక్నికల్ ఇష్యూల కారణంగా అన్ని ఓట్లు తనకు పడలేదని.. ఆ కారణంగానే బయటకి వచ్చేసి ఉంటానని అన్నారు. 

మొబైల్ యాప్ ఇన్స్టాల్ చేసుకొని ఓటింగ్ చేయాలని.. కొందరు పెద్ద వాళ్లకు యాప్ ఇన్స్టాల్ చేసుకోవడం తెలియక తనకు ఓట్లు పడలేదని చెప్పింది. బిగ్ బాస్ లో తను ఎలాంటి పొరపాట్లు చేయలేదని.. షోలో జరిగిన చాలా విషయాలను టెలికాస్ట్ చేయలేదని.. హౌస్ మేట్స్ తో వంట గది విషయంలో తను అరిచినవి మాత్రం ప్లే చేశారని చెప్పుకొచ్చింది. ఎవరైతే తనను మోసం చేశారో.. వారు ఇప్పుడు నామినేషన్ లో ఉన్నారని పరోక్షంగా కామెంట్స్ చేసింది.