వైఎస్ భాస్కర్ రెడ్డి అరెస్ట్... ఎంపీ అవినాష్ ఇంటికి సిబిఐ అధికారులు

కడప : మాజీ మంత్రి వైఎస్ వివేకానందరెడ్డి హత్యకేసులో నేడు కీలక పరిణామాలు చోటుచేసుకుంటున్నాయి. ఇప్పటికే ఈ కేసులో వైఎస్ కుటుంబానికే చెందిన భాస్కర్ రెడ్డిని అదుపులోకి తీసుకున్నారు సిబిఐ అధికారులు. కడప జిల్లా పులివెందుల లో భాస్కర్ రెడ్డిని అదుపులోకి తీసుకుని కడపకు తరలిస్తున్నారు అధికారులు. ఇదే సమయంలో వైసిపి ఎంపీ, సీఎం జగన్ సోదరుడు అవినాష్ రెడ్డిని హైదరాబాద్ లో సిబిఐ విచారిస్తోంది.  ఉదయమే అవినాష్ నివాసానికి సిబిఐ అధికారులు చేరుకోవడంతో ఉత్కంఠ నెలకొంది. ఇప్పటికే తండ్రి భాస్కర్ రెడ్డిని అదుపులోకి తీసుకున్న నేపథ్యంలో ఏం జరుగుతుందో అన్నదానిపై అందరిలోనూ ఆసక్తి పెరిగింది.