భీమిలీ బీచ్ లో విషాదం.. ఇద్దరు విద్యార్థులు గల్లంతు..

విశాఖ : భీమిలి బీచ్ లో విషాద ఘటన చోటు చేసుకుంది. తగరపువలస అనిట్స్ కాలేజ్ కు చెందిన ఇద్దరు ఇంజనీరింగ్ విద్యార్థులు బీచ్ లో గల్లంతయ్యారు. రంగంలోకి దిగిన నేవీ హెలికాప్టర్, నేవి 3 స్పీడ్ బోట్స్ ముమ్మర గాలింపు చేపట్టాయి. లేట్ లేట్ కావడంతో కాలేజీకి వెళ్లకుండా.. 7 గురు విద్యార్థులు ఉదయం 11.30కి భీమిలి బీచ్ కి వచ్చారు. నలుగురు బీచ్ లో సరదాగా స్నానం చేసేందుకు వెళ్లగా....లోతు ఉన్న ప్రాంతంలో మునిగిపోయారు. ఇది చూసిన సూర్యతో పాటు కాపాడేందుకు వెళ్లిన సాయి కూడా గల్లంతయ్యారు. విషయం తెలియడంతో తల్లిదండ్రులు గుండెలు పగిలేలా రోధిస్తున్నారు.