పోలీసులనే మస్కా కొట్టించిన యువకుడు... స్టేషన్లోని వాహనాన్ని కొట్టేసిన జాదూ...

పార్వతీపురం : దొంగతనం జరిగిందంటే ఎంతటివారైనా ముందుగా పోలీసులనే ఆశ్రయిస్తుంటారు... అలాంటిది పోలీసులే దొంగలబారిన పడితే ఎవరికి చెప్పుకుంటారు. అలాంటి పరిస్థితే ఒడిషా పోలీసులకు ఎదురవగా ఏపీ పోలీసులు వారి పరువు కాపాడారు.  వివరాల్లోకి వెళితే... రాజమండ్రికి చెందిన యువకుడు ఒరిస్సా పోలీసులకు మస్కా కొట్టి పోలీస్ వాహనాన్ని అపహరించి ఆంధ్ర ప్రదేశ్ కు చేరుకున్నాడు. పార్వతీపురం పట్టణంలోని పాత బస్టాండ్ వద్ద పోలీస్ వాహనంతో ఓ యువకుడు మద్యంమత్తులో అనుమానాస్పదంగా కనిపించడంతో పోలీసులకు సమాచారం అందింది. దీంతో అక్కడికి చేరుకున్న పోలీసులు యువకున్ని అదుపులోకి తీసుకుని పోలీస్ వాహనాన్ని స్వాధీనం చేసుకున్నారు.