తూ.గో జిల్లా: బస్సులో భారీ సొత్తు... పట్టుబడిన రూ.5కోట్ల నగదు, పది కిలోల బంగారం

కిర్లంపూడి: విజయనగరం నుంచి గుంటూరు వెళుతున్న ఓ ప్రైవేట్ ట్రావెల్స్ బస్సులో కోట్ల నగదు, కిలోల బంగారాన్ని ఏపీ పోలీసులు స్వాదీనం చేసుకున్నారు. పశ్చిమ గోదావరి జిల్లా నల్లజేర్ల మండలం విరపల్లి టోల్ గేట్ వద్ద ప్రైవేట్ బస్సులో తనిఖీలు చేపట్టిన పోలీసులకు 5 కోట్ల 6 లక్షల రూపాయల నగదు, పది కేజీల బంగారం దొరికింది. ఈ సొత్తుకు సంబంధించిన ఎలాంటి పత్రాలు లేకపోవడంతో సొత్తును స్వాధీనం చేసుకున్న పోలీసులు ఏడుగురిని అదుపులోకి తీసుకున్నారు. ఇంతటి భారీ మొత్తంలో సొత్తును పట్టుకున్న జగ్గంపేట సిఐ సూర్య అప్పారావు, కిర్లంపూడి ఎస్సై తిరుపతిరావు డిఎస్పి అరిటాకుల శ్రీనివాసరావు అభినందించారు.