రెండు వాహనాలు, 56 బస్తాలు, 1700కిలోలు, ఒక్కడే స్మగ్లర్... ఏపీలో భారీ గంజాయి ముఠా గుట్టురట్టు

అల్లూరి జిల్లాలో అక్రమంగా తరలిస్తున్న భారీ గంజాయిని పోలీసులు పట్టుకున్నారు. పాడేరు ఏజెన్సీ చింతపల్లి ప్రాంతంలోని అన్నవరం పోలీస్ స్టేషన్ పరిధిలో తనిఖీలు చేపట్టిన పోలీసులు ఓ బొలేరో, మరో జీప్ ను పట్టుకున్నారు. వీటిలో తరలిస్తున్న బస్తాలకు పరిశీలించగా అందులో గంజాయిని గుర్తించారు. రెండు వాహనాల్లో 56బస్తాల గంజాయి (సుమారు 1700కిలోలు) గంజాయి వున్నట్లుగా నిర్దారించిన పోలీసులు వెంటనే రెండు వాహనాలను సీజ్ చేసారు. ఈ గంజాయి విలువ 50లక్షల రూపాయల వరకు వుంటుందని పోలీసులు అంచనా వేస్తున్నారు. పోలీసుల తనిఖీలను గుర్తించిన ఎనిమిదిమంది స్మగ్లర్లు పరారయ్యారు. ఒక్కడిని మాత్రం పోలీసులు పట్టుకున్నాడు. స్వాధీనం చేసుకున్న గంజాయిని, సీజ్ చేసిన వాహనాలను,  నిందితుడిని పోలీసులు మీడియాముందు ప్రవేశపెట్టారు. ఈ గంజాయి స్మగ్లింగ్ పై కేసు నమోదు చేసి దర్యాప్తు చేస్తున్నామని... పరారయిన స్మగ్లర్ల కోసం గాలింపు చేపట్టినట్లు పోలీసులు తెలిపారు.