నూజివీడులో భారీ అగ్ని ప్రమాదం... 30కోట్ల ఆస్తి అగ్గికి ఆహుతి

విజయవాడ: కృష్ణా జిల్లా నూజివీడు మండలం గొల్లపల్లి గ్రామంలో భారీ అగ్నిప్రమాదం చోటుచేసుకుంది. వ్యాన్టేజ్ స్పిన్నర్స్ ప్రయివేట్ లిమిటెడ్ స్పిన్నింగ్ మిల్లులో ప్రమాదవశాత్తు మంటలు చెలరేగాయి. మిల్లు మొత్తం పత్తితో నిండివుండటంతో మంటలు వేగంగా వ్యాపించి భారీ నష్టాన్ని మిగిల్చాయి. దాదాపు రూ.30కోట్ల విలువైన ఆస్తి అగ్గికి ఆహుతయినట్లు స్పిన్నింగ్ మిల్లు యాజమాన్యం చెబుతోంది. అగ్నిప్రమాదం జరిగిన స్పిన్నింగ్ మిల్లు జనావాసాల మధ్యలో వుండటంతో అధికారులు అప్రమత్తమయ్యాయి. ఎలాంటి అవాంఛనీయ ఘటనలు జరక్కుండా ముందుగానే మిల్లు చుట్టుపక్కల ఇళ్లవారిని ఖాళీ చేయించారు. సమాచారం అదుకున్న అగ్నిమాపక సిబ్బంది మంటలను ఆర్పడానికి చాలా శ్రమించాల్సి వచ్చింది. ఈ అగ్ని ప్రమాదానికి గల కారణాలు తెలియాల్సి వుంది.