మత్తులో చిత్తుచిత్తుగా కొట్టుకుని ... మచిలీపట్నంలో తాగుబోతుల వీరంగం

మచిలీపట్నం :  ఫుల్లుగా మద్యం సేవించి ఆ మత్తులో తాగుబోతులు విచక్షణ కోల్పోయారు. ఇలా బార్ లోకి ప్రాణస్నేహితుల్లా అడుగుపెట్టినవారు వెళ్లేటపుడు మాత్రం బద్దశత్రువుల్లా ఒకరిపై ఒకరు దాడులు చేసుకున్నారు. ఇలా కృష్ణా జిల్లా మచిలీపట్నంలో తాగుబోతుల వీరంగం స‌ృష్టించారు. స్థానిక హౌసింగ్ బోర్డ్ కాలనీలోని పాండురంగ బార్ అండ్ రెస్టారెంట్ లో తాగిన మత్తులో ఒకరిపై ఒకరు దాడులకు తెగబడ్డారు. ఈ గొడవను వీడియో చిత్రించే వారిపైనా దౌర్జన్యానికి దిగారు. చివరకు పోలీసులు రంగప్రవేశం చేసి తాగుబోతులను అక్కడినుండి తరలించడంతో పరిస్థితి అదుపులోకి వచ్చింది.