విజయవాడలో దారుణం... నడిరోడ్డుపై బాలుడి మృతదేహం

విజయవాడ : ఒంటినిండా గాయాలతో, రక్తపుమడుగులో ఓ బాలుడు నడిరోడ్డుపై శవమై కనిపించిన దారుణ సంఘటన ఎన్టీఆర్ జిల్లా విజయవాడలో చోటుచేసుకుంది. నగరంలోని వాంబే కాలనీవాసులు తెల్లవారుజామున లేచిచూసేసరికి రోడ్డుపై బాలుడి మృతదేహం కనిపించింది. దీంతో కంగారుపడిపోయిన వారు పోలీసులకు సమాచారమిచ్చారు. వెంటనే ఘటనాస్థలికి చేరుకున్న పోలీసులు బాలుడి వివరాలు సేకరించి దర్యాప్తు చేపట్టారు. మృతదేహాన్ని పోస్టుమార్టం నిమిత్తం ప్రభుత్వాస్పత్రికి తరలించారు. ప్రాణాల కోల్పోయి రోడ్డుపై పడివున్న బాలుడు చాట్ల శశాంత్ గా గుర్తించారు.  కుటుంబ కలహాల నేపథ్యంలో ఇతడి తల్లిదండ్రులు వేరువేరుగా వుంటుండగా... బాలుడు తల్లివద్దే వుంటూ ప్రస్తుతం ఆరవ తరగతి చదువుకుంటున్నారు. ఈ క్రమంలో బాలుడు అతి దారుణంగా హత్యకు గురవడం సంచలనంగా మారింది. బాలుడి ఒంటిపై గాయాలుండటంతో ఇది హత్యగానే అనుమానిస్తున్నారు.